बॉलिवूडचा मिस्टर परफेक्शनिस्ट आमिर खान सध्या चित्रपटांमुळे चर्चेत नसला तरी तो वैयक्तिक आयुष्यामुळे चर्चेत आला आहे. अमीर खान विशेषतः कोणत्याही बॉलिवूडच्या कार्यक्रमांनाही हजेरी लावताना दिसत नाही. मात्र लेक आयरा खानच्या लग्नामुळे तो चर्चेत आला होता. सध्या आमिर खान त्याच्या ‘लापता लेडीज’ या चित्रपटामुळे चर्चेत आला आहे. आमिर त्याच्या पूर्वाश्रमीच्या पत्नीबरोबर चित्रपटाचे जोरदार प्रमोशन करत आहे. (Kiran Rao On Aamir Khan)
या चित्रपटाच्या प्रमोशनवेळी आमिर खान व त्याची पूर्वाश्रमीची पत्नी किरण राव यांनी त्यांच्या वैयक्तिक आयुष्याबद्दल तसेच व्यावसायिक आयुष्याबद्दल मनमोकळेपणाने चर्चा केली आहे. दरम्यान, घटस्फोटानंतर किरण रावने पती आमिर खानमधील दोषांचा खुलासा केला आहे. तसेच किरणने अभिनेत्याचे चांगले गुणही सांगितले आहेत.
प्रमोशनवेळी आमिर खानने त्याचा व पत्नीचा एक किस्सा यावेळी सांगितला. हा किस्सा सांगत अभिनेता म्हणाला, “अलिकडेच माझा व किरणचा घटस्फोट झाला आहे. यापूर्वी एके दिवशी संध्याकाळी आम्ही एकत्र बसलो होतो तेव्हा मी किरणला विचारले की नवरा म्हणून माझ्यात काय कमी आहे? तेव्हा किरण म्हणाली, ‘तू खूप बोलतोस आणि कुणाला बोलू देत नाहीस. एखाद्या मुद्द्यावर जास्त विचार करतोस. मी असे अजून काही १५-२० मुद्दे लिहिले आहेत”.
किरणने शेवटी आमिर खानमध्ये काय खास आहे याबाबतही भाष्य केलं. आमिरची स्तुती करत अभिनेत्री म्हणाली, “आमिर खूप मोकळ्या मनाचा आहे. जर तुम्ही त्याला एखादी गोष्ट समजावून सांगितली आणि त्याला त्यात मूल्य दिसले तर तो कधीही नकार देत नाही. तो कोणतीही गोष्ट फार लवकर स्वीकारतो. तो मोकळ्या मनाने सर्व ऐकतो”.आमिर खानच्या कामाबद्दल बोलायचे झाले तर, आमिर खान ‘लाल सिंग चड्ढा’ या चित्रपटात शेवटचा दिसला होता. त्यानंतर आता अभिनेता ‘लापता लेडीज’ या चित्रपटामुळे चर्चेत आला आहे. या चित्रपटाची निर्मिती त्यांने स्वतः व त्याची माजी पत्नी किरण राव यांनी केली आहे.
