बॉलिवूडच्या मिस्टर परफेक्ट म्हणजे अभिनेता आमिर खानची लेक लवकरच लग्नबंधनात अडकणार आहे. इरा तिच्या बॉयफ्रेंड नुपूर शिखरेबरोबर ३ जानेवारीला सात फेरे घेणार आहे. सध्या आमिरच्या घरी लग्नाची जोरदार तयारी सुरु झाली आहे. त्यांच्या लग्नाच्या पत्रिकाही बनवल्या गेल्या आहेत. पण इराने तिच्या मित्रपरिवारासाठी खास पत्रिका बनवत त्यांना लग्नासाठी आमंत्रण दिलं आहे. नुकतंच इराने त्यांच्या मित्रपरीवाराला पत्रिका पाठवल्या. त्या पत्रिकांमध्ये काहीतरी खास आहे. इराने तिच्या सोशल मीडियावर त्याचा व्हिडीओ शेअर केला आहे.सध्या तिच्या या निमंत्रण पत्रिकांची चांगलीच चर्चा रंगली आहे.(ira wedding card in puzzle style)
इरा-नुपूरच्या लग्नाची पत्रिका खास आहे. कारण, ही एक नुसती लग्नपत्रिका नसून एक कोडं आहे. जे कोडं पाहून तिचा मित्रपरिवार चक्रावून गेला आहे. तिने एक अटही सांगितली की जे कोणी हे कोडं सोडवेल तिच मैत्रीण तिची लग्नात करवली होणार. इराने तिच्या इन्स्टाग्रामवर एक व्हिडीओ शेअर केला. ज्यामध्ये तिने तिच्या मित्रपरिवाराच्या लग्न पत्रिका मिळाल्यानंतरच्या प्रतिक्रिया रेकॉर्ड केल्या आहेत. हा व्हिडीओ खूप मजेशीरपणे चित्रीत केला आहे. हे कोडं सोडवताना आयराच्या मित्रांची बरीच बिकट अवस्था झालेली पाहायला मिळाली.
व्हिडीओ इंन्स्टाग्रामवर शेअर करत इराने कॅप्शनमध्ये लिहीलं की, “एप्रिलपासून हे काम सुरु आहे. कधीच न करण्यापेक्षा उशीर चांगला. तसंच, आम्ही आता एका महिन्यात लग्न करणार आहोत. माझं तुमच्यावर खूप प्रेम आहे. तुम्ही पाहू शकता की माझ्या आयुष्यात किती प्रकारची लोकं आहेत. पुर्ण व्हिडीओ पाहा आणि काहीही चुकवू नका”, असं सांगत तिने या व्हिडीओतील तिच्या मित्रपरिवाराच्या प्रतिक्रियांचं वर्णन केलं आहे.
इराची बहिण जैन मैरी खान लग्नाच्या पत्रिकेचं कोडं सोडवता सोडवता व्हिडीओत भावूक होताना दिसते. ती ते कोडं सोडवण्यासाठी कोणाचीही मदत घेण्यास नकार देते. ती हे पण सांगताना दिसते की या क्षणाला ती कधीच विसरू शकत नाही. इराने नोव्हेंबर २०२२ मध्ये नुपूर शिखरेबरोबर साखरपुडा केला. काही दिवसांपूर्वी इराने त्यांच्या लग्नापूर्वीच्या विधींचे फोटो सोशल मीडियावर शेअर केले होते. ते फोटो सोशल मीडियावर बरीच व्हायरल झाले होते.
