बॉलिवूड कलाकार नेहमीच कोणत्या ना कोणत्या कारणामुळे चर्चेत असतात. अशातच आता अभिनेता आमिर खानची मुलगी आयरा खान चर्चेत आली आहे. आयरा खान तिच्या वैयक्तिक आयुष्यामुळे नेहमीच चर्चेत असते. काही महिन्यांपूर्वीच तिचा नुपूर शिखरेसह साखरपुडा झाला. आयरा व नुपूर बऱ्याच दिवसांपासून एकमेकांना डेट करत होते. दोघांनी एकमेकांबरोबर बराच काळ एकत्र घालवल्यानंतर आयरा व नुपूर यांनी लग्न करण्याचा निर्णय घेतला. हे दोघेही सोशल मीडियावर बऱ्यापैकी सक्रिय असतात. नेहमीच ते काही ना काही पोस्ट शेअर करून चाहत्यांच्या संपर्कात राहत असतात. (Aamir Khan Daughter Ira Khan Troll)
अशातच अलीकडे आयरा खानने एक पोस्ट केली. तिच्या या पोस्टने साऱ्यांचं लक्ष वेधून घेतलं आहे. यामध्ये आयराने तिच्या भूतकाळातील काही खास क्षणांचे व्हिडिओ शेअर केले आहेत आणि कॅप्शनमध्ये लिहिले आहे की, ‘आठवणींच्या रस्त्यावरून प्रवास.’ यातील पहिल्या व्हिडिओमध्ये आयरा तिच्या होणारा नवरा नुपूर शिखरेबरोबर व्यायाम करताना दिसत आहे. व्यायामादरम्यान आयरा नुपूरसह वारंवार लिप-लॉक करताना दिसली, या व्हिडीओमुळे ती ट्रोल झाली आहे.
आयरा खानला तिच्या होणाऱ्या पतीबरोबर वारंवार किस करताना पाहून चाहत्यांनी तिला ट्रोल केले आहे. एका नेटकऱ्याने कमेंट करत लिहिले आहे की, “दोघांचे लग्न झालेले नाही, त्यांची फक्त एंगेजमेंट झाली आहे. दोघेही वेडे दिसत आहेत. पती-पत्नी असल्यासारखे ते जगत आहेत. तर आणखी एका नेटकऱ्याने कमेंट करत म्हटलं आहे की, “थोडी लाज बाळगा मॅडम”.
आयरा व नुपूर यांनी गेल्या वर्षी नोव्हेंबरमध्ये साखरपुडा सोहळा उरकला. त्यांच्या साखरपुड्याला बॉलिवूड जगतातील अनेक कलाकारांनी हजेरी लावली होती. लवकरच आता आयरा नुपूर शिखरेबरोबर लग्नबंधनात अडकणार असल्याचं समोर आलं आहे. ईटाइम्सने दिलेल्या वृत्तानुसार, आयरा खान व नुपूर शिखरे ३ जानेवारीला कोर्ट मॅरेज करणार असल्याचं समोर आलं आहे. त्यानंतर ते राजस्थानच्या उदयपूरमध्ये मोठ्या थाटामाटात लग्न करणार आहेत. हे लग्न जवळच्या मित्र परिवाराबरोबर व कुटुंबियांच्या उपस्थित करणार असल्याचं समोर आलं आहे.