Niranjan Kulkarni Maldives Trip : छोट्या पडद्यावरील ‘आई कुठे काय करते’ या मालिकेने जवळपास पाच वर्ष प्रेक्षकांच्या मनावर अधिराज्य केलं. या मालिकेतील सर्वच कलाकारांनी त्यांच्या अभिनयाने रसिक प्रेक्षकांच्या मनात घर केले. या मालिकेने प्रेक्षकांचा निरोप घेतला असला तरी मालिकेतला प्रत्येक कलाकार आजही प्रेक्षकांच्या लक्षात आहे. याच मालिकेमधील अभिषेक देशमुख म्हणजेच अरूंधतीच्या मोठ्या मुलाची भूमिका साकारणारा अभिनेता निरंजन कुलकर्णी त्याच्या वैयक्तिक आयुष्याबाबत नेहमीच सोशल मीडियावर अपडेटेड असतो. सोशल मीडियावर तो नेहमीच काही ना काही शेअर करत चाहत्यांच्या संपर्कात राहतो. निरंजन कुलकर्णीने या जून महिन्यात लग्न केल्याचं सोशल मीडियाद्वारे सांगितलं.
सोशल मीडियावर डेस्टीनेशन वेडिंगचे थेट फोटो शेअर करत त्याने चाहत्यांना सुखद धक्का दिला. ज्यामुळे आता अभिनेता त्याच्या मालदिव ट्रीपमुळे सध्या चर्चेत आला आहे. लग्नानंतर निरंजन कुलकर्णी त्याच्या पत्नीसह मालदीव येथे फिरायला गेला आहे. ट्रीपचा एक सुंदर व्हिडीओ अभिनेत्याने चाहत्यांसह शेअर केला. शिवाय स्टोरी पोस्ट करतही त्याने मालदीवचे अपडेट दिले आहेत. अभिनेत्याच्या समोर आलेल्या व्हिडीओमध्ये वॉटर विल्हा आणि निळाशार समुद्र याची झलक पाहायला मिळत आहे.
निरंजनने हा व्हिडीओ पोस्ट करत कॅप्शनमध्ये लिहिलं आहे की, “लग्नाआधी आणि लग्नानंतर आमचा प्रवास सुखद आहे. आमची मालदिवची ट्रीप खूपच कमाल झाली”. अभिनेत्याने पत्नीसह फोटोशूट केल्याचं ही व्हिडीओमध्ये पाहायला मिळत आहे. निरंजनचा हा व्हिडीओ सोशल मीडियावर तुफान व्हायरल होत आहे. कलाकार मंडळींसह अनेक चाहतेही या व्हिडीओला पसंती दर्शविताना दिसत आहेत.
आणखी वाचा – करीना कपूरचा PRADA ला टोमणा, कोल्हापुरी चप्पल पायात घालत फोटोही केला शेअर, म्हणाली…
निरंजनने अगदी राजेशाही थाटामाटात हा विवाहसोहळा उरकला. निरंजनच्या पत्नीचं नाव मनीषा गुरम असे आहे. मनीषा ही न्यूट्रिशनिस्ट व लाइफस्टाइल एक्स्पर्ट म्हणून काम पाहते असं तिच्या बायोमध्ये मेन्शन करण्यात आले आहे. योग दिवसाच्या दिवशीही निरंजन त्याच्या पत्नीबरोबर योग करताना दिसला, याचा व्हिडीओ त्यांनी सोशल मीडियावर शेअर केला होता.
