‘आई कुठे काय करते’ ही मालिका छोट्या पडद्यावरील लोकप्रिय मालिका आहे. या मालिकेतील कथेत वेळोवेळी येणारी वळणं प्रेक्षकांना या मालिकेशी जोडून ठेवण्यास भाग पाडते. या मालिकेतील प्रत्येक पात्र प्रेक्षकांना आपल्या कुटुंबातील सदस्य असल्यासारखे भासतात. त्यामुळे ही मालिका प्रेक्षकांच्या लाडकीची आहेत. या मालिकेतील कालाकार सोशल मीडियावर बरेच सक्रिय असतात. सेटवरील मजामस्तीचे व्हिडिओ, फोटोज् ते नेहमी सोशल मीडियावर शेअर करताना दिसतात. या मालिकेतील अनिरुद्ध हे पात्र साकारणाऱ्या अभिनेता मिलिंद गवळी यांनी नुकताच असाच सेटवरील एक मजामस्ती करत असतानाचा व्हिडिओ सोशल मीडियावर शेअर केला. मालिकेतील जानकी या लहान बाळासोबत खेळताना दिसत आहे. (milind gawali share a video with the child artist)
या व्हिडिओला कॅप्शन देत ते लिहीतात, ‘त्विशा म्हणजेच आमच्या ‘आई कुठे काय करते’ या मालिकेतील छोटंस पिल्लू जानकी. अगदीच काही महिन्याची असताना ती आमच्या सिरीयलमध्ये आली. अगदी एखाद्या घरामध्ये लहान बाळ जन्माला येतं तसंच सगळ्यांना वाटतं. आपल्या घरामध्ये कसं लहान मुलाच्या खाण्यापिण्याच्या, झोपायच्या वेळा सगळं सांभाळलं जातं. तसंच त्विशाच्या बाबतीतही तसंच सगळं पाळलं जातं. मध्येच एखादा असिस्टंट धावत यायचा त्विशा उठली आहे. आता ती छान खेळते आहे, हे सांगायला. मग बाकीचे जे शूटिंग चालू असायचं ते थांबून तिच्या सिनचं शूटिंग सुरु करायचे. तिचीही सेटवरच्या सगळ्यांसह ओळख झाली असल्यामुळे सगळ्यांकडे ती छान पद्धतीने रमते. महिन्यात न एखाद दुसरा दिवस तिचं शुटिंग असायचं. त्यादिवशी सेटवर एक वेगळच चैतन्य पसराचं. बहुतेक सगळेच प्रौढ, लहान मुलासारखं बोलायला लागायचे. ज्या सीनमध्ये ती असेल तो सीन कसा होईल ते कोणालाच ठाऊक नसायचं. कारण तिचा mood असेल त्या पद्धतीनेच ते शूटिंग व्हायचं”.
पुढे तो लिहीतो, “सिरियलमध्ये माझ्या वाटेला तीचे सीन फार कमी आले आहेत. पण ज्या ज्या वेळेला ते आले त्या त्या वेळेला मला तो सीन करायला खूपच मजा आली. आपण शूटिंग करतो, असं वाटायचं नाही. लहान मुलाबरोबर लहान मुलासारखं आपण खेळतोय असंच वाटायचं. खरं तर अनिरुद्ध देशमुखला या गोष्टींची फार गरज असते. पण काल त्विशाबरोबर माझा सीन होता. हल्ली ती ज्या पद्धतीने धावते, पळते. एका जागेवर स्वस्त बसत नाही. अख्या सेटवर ती फिरत असते. कधी कधी तिला कडेवर घेऊन बसवावं लागतं. काल अचानक तिचे ‘आई कुठे काय करते’ मध्ये सुरुवातीचे दिवस आठवले आणि लक्षात आलं की एक वर्ष निघून कसं गेलं ते कोणाला कळलच नाही. परवा परवापर्यंत रांगत होती. मग चालायला शिकली आणि आता चक्क धावते. लहान बाळं परमेश्वराची रुपं असतात असं म्हणतात ते काय खोटं नाही. तिला उदंड आयुष्या यश आरोग्य, सुख, समृद्धी सर्व काही मिळो हीच त्या परमेश्वराकडे प्रार्थना!, या पोस्टला भलंमोठं कॅप्शन देत त्यांनी सेटवरची मजामस्ती सांगितली. लहान मुलांचा निरागसपणा व सेटवरील त्विशाच्या सगळ्या आठवणींना उजाळा दिला.
नेटकऱ्यांनी या व्हिडीओवर कमेंट व लाईकचा वर्षाव केला. एका नेटकऱ्याने खूप गोड आहे असं लिहीलं आहे. तर दुसऱ्या नेटकऱ्याने कमेंट केली की, तिला काजळ लावा आणि तिची दृष्ट काढा, असं म्हणत दृष्ट काढण्यास सुचवलं आहे.
