‘आई कुठे काय करते’ फेम अभिनेत्री राधा सागरने एका गोंडस मुलाला जन्म दिला आहे. काही महिन्यापूर्वी राधाने खास गरोदरपणातील फोटोशूट करत चाहत्यांना आई होणार असल्याची गोड बातमी दिली होती. त्यावर चाहत्यांनीही तिच्यावर शुभेच्छांचा वर्षाव केला होता. त्यानंतर अखेर तिची प्रतीक्षा संपली आणि तिला पुत्ररत्नाची प्राप्ती झाली. तिने याबाबतची पोस्ट शेअर करत चिमुकल्याचा हात दाखवत फोटो शेअर केला होता. (Radha Sagar Son Name Ceremony)
राधाने ‘आई कुठे काय करते’ सोबतच ‘सुंदरा मनामध्ये भरली’ मध्ये अभिनय करत चाहत्यांच्या मनात स्वतःच वेगळं स्थान निर्माण केलं होतं. गरोदरपणामुळे तिने अभिनयातून ब्रेक घेतला होता. आता तिच्या घरी चिमुकला पाहुणा आला आहे. नुकतंच राधाच्या बाळाचं बारस थाटामाटात पार पडलं. याचे अनेक फोटो तिने सोशल मीडियावरून शेअर देखील केले आहेत. राधाने शेअर केलेल्या या फोटो, व्हिडिओमध्ये तिच्या बाळाची झलक पाहायला मिळत आहे.
राधाने अगदी शाही थाटामाटात तिच्या बाळाचा बारसं पार पाडलं. पारंपरिक लूक करून अभिनेत्रींच्या कुटुंबीयांनी या सोहळ्याची खास रंगत वाढविली. राधा व तिच्या पतीने तसेच त्यांच्या बाळानेही सारखेच कपडे परिधान केले होते. राधाने तिच्या बाळाचं नाव वीर असं ठेवलं आहे. वीरच्या बारश्यानिमित्त तिने छान अशा केक ही बनवून घेतलेला पाहायला मिळाला. लेकाच्या नामकरण सोहळ्यासाठी अभिनेत्रीने केलेला खास लूक पाहणं रंजक ठरलं.
राधा सागरने या सोहळ्यसाठी पैठणीचा हटके असा वनपीस परिधान केला होता. तसेच त्यावर घातलेल्या साजेश्या ज्वेलरीमुळे तिचं सौंदर्य अधिकचं खुलून आलं होतं. तसेच राधाच्या लेकाची म्हणजेच वीरची पहिली झलकही तिने शेअर केलेल्या फोटो, व्हिडीओवरून पाहायला मिळाली. राधाने अगदी गोंडस बाळाला जन्म दिला. लेकाच्या बारश्यातील वीरचा पारंपरिक लुकही लक्षवेधी ठरत होता.
