कलाकार मंडळी नवनवीन गाड्या, घर घेत त्यांचा आनंद नेहमीच चाहत्यांसह शेअर करतात. कलाकारांचा हा खासगी आनंद चाहत्यांबरोबर शेअर करण्यासाठी ते सोशल मीडियावरुन पोस्टही करतात. बऱ्याच कलाकारांनी त्यांच्या आनंदाची बातमी चाहत्यांसह शेअर केली आहे. अशातच आता आणखी एका अभिनेत्रीने तिच्या घराच्या गृह्प्रवेशाचा एक व्हिडीओ सोशल मीडियावर शेअर केला आहे. ‘आई कुठे काय करते’ मालिकेतून घराघरांत पोहोचलेली अभिनेत्री म्हणजे अश्विनी महांगडे. (Ashvini Mahangade New Home)
‘आई कुठे काय करते’ या मालिकेमुळे अश्विनीला खऱ्या अर्थाने लोकप्रियता मिळाली. जानेवारी महिन्यात अश्विनीने तिच्या नव्या घराच्या चावीचा एक फोटो सोशल मीडियावरुन पोस्ट करत नवं घर घेतलं असल्याची आनंदाची बातमी चाहत्यांसह शेअर केली होती. अभिनेत्रीने तिच्या इंस्टाग्राम अकाउंटवरुन तिच्या नव्या घराची झलकही दाखविली. मुंबईत घर घेण्याचं अभिनेत्रीचं स्वप्न पूर्ण झालं. या स्वप्नपूर्ती झालेल्या घरात आता अभिनेत्रीने गृहप्रवेश केला आहे.
अभिनेत्रीने तिच्या मुंबईच्या नव्या गृह्प्रवेशाचा एक व्हिडीओ सोशल मीडियावरुन शेअर केला आहे. यांत तिने सहकुटुंब गृहप्रवेश केला आहे. यावेळी अश्विनीच्या घरातील सगळे कुटुंबीय व तिचा होणारा नवराही उपस्थित असल्याचं पाहायला मिळालं. अभिनेत्रीने या व्हिडीओला “आमच्या सगळ्यांचं घर…माझ्या माणसांमुळे या घराला घरपण आहे”, असं कॅप्शन देत हा व्हिडीओ शेअर केला आहे.
अश्विनीच्या या पोस्टवर अनेक चाहत्यांसह काही कलाकार मंडळींनीही तिच्या नव्या घरासाठी तिला शुभेच्छा दिल्या आहेत. या व्हिडीओमध्ये गृह्प्रवेशाची पूजा पाहायला मिळाली. यावेळी अश्विनीच संपूर्ण कुटुंब या कार्यक्रमात सहभागी झालं होतं. दरम्यान अभिनेत्रीच्या नव्या घराची झलकही यावेळी पाहायला मिळाली. अश्विनी ‘आई कुठे काय करते’ या मालिकेत अनघाची भूमिका साकारत आहे. अभिनयाव्यतिरिक्त अनेक सामाजिक कार्यांमध्ये ती सक्रिय असते. सोशल मीडियावरही अभिनेत्री बऱ्यापैकी सक्रिय असते.
