Abhishek Deshmukh post : मालिकाविश्वात नवनवीन आणि आशयघन मालिका रसिकांच्या भेटीस येत आहे. यापैकीच एक म्हणजे ‘लपंडाव’. गेल्या काही दिवसांपासून ‘लपंडाव’ या मालिकेची चर्चा सुरु झालेली पाहायला मिळाली. या मालिकेच्या प्रोमोने साऱ्यांच्या मनावर राज्य केलं. मालिकेत कृतिका देव आणि चेतन वडनेरे महत्त्वपूर्ण भूमिकेत दिसणार आहेत. तर अभिनेत्री रुपाली भोसले खलनायिकेच्या भूमिकेत दिसणार आहे. अशातच मालिकेतील अभिनेत्री कृतिका देव हिच्यासाठी तिचा नवरा अभिनेता अभिषेक देशमुखने लिहिलेली खास पोस्ट साऱ्यांचं लक्ष वेधून घेत आहे. बायकोचं तोंडभरुन कौतुक करणारी खास पोस्ट अभिषेकने लिहिली आहे.
कृतिकाचा नव्या मालिकेतील भूमिकेचा फोटो शेअर करत अभिषेकने म्हटलं आहे की, “कृतिका, नवीन मालिकेसाठी खूप खूप अभिनंदन आणि शुभेच्छा. आजपासून नवीन सुरुवात होत आहे आणि ती चांगलीच होणार. अगदी लहानपणापासून तू नृत्य शिकलीस, अभिनय केलास, तुझं कलेवरचं प्रेम, श्रद्धा, आत्मियता सिद्ध केलीस, पुढेही करशील. आयुष्यातील कटू आव्हानांना जिद्दीनं तोंड देत एकटीच्या बळावर तू वेगवेगळ्या माध्यमातून काम केलंस,अनेक संधी मिळाल्या, काही हुकल्या. ही संधी आणि संघर्षाचा लपंडाव या क्षेत्रात कोणाला चुकला आहे?. आता टेलिव्हिजन या माध्यमात सुरुवात होत आहे”.
आणखी वाचा – दिवसाढवळ्या प्रायव्हेट पार्ट दाखविला अन्…; बॉलिवूडच्या सुप्रसिद्ध अभिनेत्रीसह वाईट कृत्य, परदेशात घडली घटना
पुढे त्याने म्हटलं आहे, “हा मालिकेचा प्रवास किती असतो हे कुणालाच ठाऊक नसतं! आणि हीच त्याची गंमत असते. हेही सोपं नसतं पण ते Enjoy करायचं, आपण या प्रवाहाचा आनंद घ्यायचा, कधी नसेल मिळत तर तो शोधायचा. दररोज..! आजपर्यंत तू फक्त स्वतःशी स्पर्धा केलीस आणि पुढे आलीस. आताही तेच करशील याची खात्री आहे. Proud of you! खूप खूप आदर आणि भरभरुन प्रेम”.
आणखी वाचा – मालिकाविश्वातील लोकप्रिय अभिनेत्री होणार आई, लग्नाच्या दीड वर्षांनी दिली गुडन्यूज, बेबीबंपसह फोटो समोर
यावर कृतिकानेही भावुक कमेंट करत म्हटलं, “इतकं छान कधी कोणी लिहीतं का? Thank you would be an understatement!! तुला तर सगळंच माहित आहे”. बायकोच्या मालिकाविश्वातील पदार्पणानंतर अभिनेत्याने तिचं कौतुक करत तिला प्रोत्साहन दिलं आहे. आजपासून म्हणजेच १५ सप्टेंबरपासून ‘लपंडाव’ ही मालिका प्रदर्शित होत आहे.
