आषाढ माहिना लागला की सर्वांना वेध लागते वारीची. संताचा पालखी सोहळा आणि पायी जाणारे वारकरी ही परंपरा जाणून महाराष्ट्रातील एक आकर्षणच आहे. आषाढी वारीच्या निमित्ताने वारकरी मंडळी हळूहळू विठू नामाचा गजर करत पंढरपूरच्या दिशेने प्रवास करतात. पायी वारी करण्याचा अनुभव हा अदभूतच असतो. ज्ञानोबा, तुकोबांसह अनेक संतांच्या पालख्या आषाढी वारीनिमित्त पंढरपूरच्या दिशेने प्रवास करत असतात. त्यामुळे पंढरपूरच्या विठूरायाचे दर्शन घेण्यासाठी प्रत्येक वारकऱ्याचे डोळे आसुसलेले असतात. सामान्य वारकऱ्यांसह अनेक कलाकारही या पंढरपूरच्या पांडुरंगाचे दर्शन घ्यायला. अशातच होम मिनिस्टर फेम आदेश बांदेकरांनी देहू व आळंदी येथे दर्शन घेतले.
छोट्या पडद्यावरील ‘होम मिनिस्टर’ या लोकप्रिय शोमधून “दार उघड बये दार उघड” असं म्हणत आदेश बांदेकर हे अवघ्या महाराष्ट्राच्या घराघरात पोहोचलेले आहेत. रंगभूमी, होम मिनिस्टर आणि याशिवाय अनेक राजकीय कार्यक्रम यानिमित्ताने आदेश यांनी अवघा महाराष्ट्र पिंजून काढला आहे. महाराष्ट्रासह अनेक ठिकाणी ते प्रवास करत असतात. यादरम्यान त्यांना येणारे अनुभव, किस्से, काही खास आठवणी ते सोशल मीडियावर शेअर करत असतात. अशातच त्यांनी त्यांच्या इन्स्टाग्राम अकाऊंटद्वारे देहू व आळंदी येथील दर्शनाचा खास व्हिडीओ शेअर केला आहे.
या व्हिडीओमध्ये आदेश बांदेकर देहुमध्ये दर्शनासाठी गेले असताना अनेक चाहत्यांनी त्यांच्या भोवती गर्दी केली. यावेळी अनेक चाहते मंडळी त्यांच्याबरोबर फोटो काढण्यासाठी औद्धे येत होते आणि त्यांनी प्रत्येक चाहत्याला सेल्फी फोटो दिला. त्यांच्या या कृतीचे सोशल मीडियावर खूपच कौतुक होत आहे. यावेळी गाभाऱ्यात त्यांनी विठूरायाच्या चरणी आपली सेवा अर्पण केली आहे. यावेळी त्यांनी विठूरायाचरणी नतमस्तक होत त्यांचे आशीर्वादही घेतले.
आळंदीमधील ज्ञानेश्वर माऊलींचे दर्शन घेतल्यानंतर त्यांनी देहू येथील तुकाराम महाराजांच्या चरणी दर्शन घेण्यासाठी पोहोचले. यावेळी दर्शन घेतल्यानंतर ते भजनामध्येही देहभान हरपून गेले. त्यानंतर आदेश बांदेकरांनी देहू येथे अन्नदान सेवाही केली, मंदिरातील उपस्थित भाविकांसाठी त्यांनी अन्नदान केलं. आदेश बांदेकरांनी त्यांच्या सोशल मीडिया अकाउंटद्वारे हा खास व्हिडीओ शेअर केला असून या व्हिडीओला त्यांच्या अनेक चाहत्यांनी चांगला प्रतिसाद दिला आहे.
आदेश बांदेकरांनी या व्हिडीओखाली “आळंदी येथे ज्ञानेश्वर माऊलींचे आणि देहू येथे जगतगुरू संत तुकाराम महाराज यांचे दर्शन” असं लिहीत हा खास व्हिडीओ शेअर केला आहे. दरम्यान, आदेश बांदेकरांच्या या व्हिडीओखाली त्यांच्या अनेक चाहत्यांनी त्यांच्या या साधेपणाचे कौतुक केलं आहे.
