राज्यासह देशभरात दिवाळी सणाचा उत्साह पाहायला मिळत आहे. अनेक ठिकाणी विविध प्रथा साजरी करताना विद्युत रोषणाई आणि फटाक्यांची आतिषबाजी होताना दिसत आहे. सर्वसामान्यांप्रमाणे कलाकार मंडळींमध्ये देखील दिवाळीचा उत्साह पाहायला मिळत आहे. अनेक कलाकार मंडळी विविध प्रथा पार पाडत दिवाळी साजरा करताना दिसत आहे. प्रसिद्ध मराठी अभिनेते आदेश बांदेकर हे सहकुटुंबिय दिवाळी साजरी करत असून या क्षणाचा एक व्हिडीओ सर्वांचे लक्ष वेधून घेत आहे. (Aadesh Bandekar celebrates Diwali with family)
धनत्रयोदशीच्या दिवसापासून ते भाऊबीजेपर्यंत अनेक प्रथा या दिवाळीत मोठ्या उत्साहाने साजरा केल्या जातात. ज्यामध्ये सकाळी उटणे लावून अभ्यंगस्नान, पायाने कारिट फोडणे यांसारखे अनेक प्रथा केल्या जातात. त्यापैकीच एक म्हणजे पायाने कारिट फोडणे. दर नरक चतुर्दर्शीला अभ्यंगस्नानापूर्वी कारिट फळ फोडून त्यानंतर पायावर गरम पाणी ओतले जाते. ही प्रथा अनेक ठिकाणी केली जात असून आदेश यांनी सहकुटुंबीय पायाने कारिट फोडून दिवाळी सणाला सुरुवात केली.
हे देखील वाचा – “आता राडा होणार”, अखेर ‘महाराष्ट्राची हास्यजत्रा’मध्ये पुन्हा परतला ओंकार भोजने?, प्रोमो समोर, म्हणाला, “वाटलं तर मी येतो नाहीतर…”
आदेश यांनी त्यांच्या इन्स्टाग्राम अकाऊंटवर दिवाळी साजरी करतानाचा एक व्हिडीओ पोस्ट केला. ज्यामध्ये त्यांची पत्नी सुचित्रा बांदेकर, लेक सोहम, त्यांचे भाऊ व इतर नातेवाईक दिसत आहे. व्हिडिओच्या सुरुवातीला त्यांच्या घराबाहेरील आकाश कंदीलची एक झलक दाखवली आहे. पुढे बांदेकर कुटुंबातील सर्व मंडळी पायाने कारिट फोडून एक महिला त्यांच्या पायावर गरम पाणी ओतताना दिसतात. पुढे सुचित्रासह घरातील अन्य महिला सदस्य त्यांचं औक्षण करत आहे. पुढे हे संपूर्ण कुटूंब त्यांच्या घरातील एका सदस्याशी व्हिडीओ कॉलद्वारे संवाद साधतात. यावेळी संपूर्ण बांदेकर कुटुंबियांच्या चेहऱ्यावर वेगळा आनंद दिसत आहे. या व्हिडीओला आदेश यांनी “सहकुटुंब सहपरिवार दिवाळी शुभेच्छा” असं सुंदर कॅप्शन दिलं आहे.
हे देखील वाचा – Video : …अन् ‘टायगर ३’ चित्रपट सुरु असतानाच थिएटरमध्येच प्रेक्षकांनी फोडले फटाके, पळापळ झाली आणि…; भयानक व्हिडीओ समोर
आदेश यांचा हा व्हिडीओ व्हायरल होताच चाहत्यांकडून भरभरून प्रेम मिळत आहे. त्याचबरोबर, अनेकांनी कमेंट्सद्वारे आदेश व त्यांच्या कुटुंबियांना दिवाळीच्या शुभेच्छा दिल्या. दरम्यान, काही दिवसांपूर्वी आदेश यांचा ‘खेळ मांडियेला’ कार्यक्रम दुबईत पार पडला होता. यावेळी तेथील असंख्य वाहिनी व खास मराठमोळ्या पद्धतीने त्यांचे स्वागत करण्यात आले होते. त्या सोहळ्याचे व्हिडीओ चांगलेच व्हायरल झाले होते. त्याचबरोबर, ते ‘होम मिनिस्टर’ कार्यक्रमातून घराघरातील वहिनींशी अनेकदा संवाद साधताना दिसतात. तसेच सोशल मीडियावर विविध पोस्ट करत चाहत्यांच्या संपर्कात राहतात.