Sakshi Mahajan Wedding : मराठी मनोरंजनसृष्टीत सध्या लग्नसराईचा माहोल पाहायला मिळत आहे. काही दिवसांपूर्वी अभिनेता सिद्धार्थ खिरीडने लग्नगाठ बांधली, तर ‘लक्ष्मीच्या पावलांनी’ मालिकेतून लोकप्रिय झालेला अभिनेता ऋत्विक तळवलकरदेखील विवाहबंधनात अडकला. अशातच आता या यादीत आणखी एका लोकप्रिय कलाकार जोडीचं नाव सामील झालं असून अभिनेत्री साक्षी महाजन आणि अभिनेता अथर्व कर्वे यांनी आपल्या आयुष्याची नवी सुरुवात केली आहे.
‘स्टार प्रवाह’ वाहिनीवरील ‘कोण होतीस तू, काय झालीस तू!’ या मालिकेमधील आपल्या दमदार अभिनयाने प्रेक्षकांच्या मनात स्थान निर्माण करणारी अभिनेत्री साक्षी महाजन नुकतीच अभिनेता अथर्व कर्वेसोबत लग्नबंधनात अडकली आहे. त्यांच्या हळदी आणि संगीत सोहळ्याचे खास क्षण सध्या सोशल मीडियावर मोठ्या प्रमाणात व्हायरल होत असून चाहत्यांकडून त्यांच्यावर शुभेच्छांचा वर्षाव होत आहे. यानंतर आता साक्षी आणि अथर्व यांचा विवाहसोहळा देखील पार पडला आहे त्यांच्या लग्नाची चर्चा सध्या मराठी मनोरंजनविश्वात चांगलीच रंगली आहे. दोघांनीही साधेपणाला प्राधान्य देत, मात्र रॉयल आणि पारंपरिक अंदाजात हा खास दिवस साजरा केला.
आणखी वाचा – मराठी अभिनेत्री लवकरच अडकणार लग्नबंधनात, पारंपरिक लग्नविधींना सुरुवात, फोटो समोर
साक्षी महाजन आणि अथर्व कर्वे यांच्या लग्नातील लूकने प्रेक्षकांचं विशेष लक्ष वेधून घेतलं आहे. साक्षीने पांढऱ्या रंगाची भरजरी साडी, हिरवा चुडा आणि त्यासोबत गुलाबी शेला परिधान केला होता. तिचा पारंपरिक आणि एलिगंट लूक चाहत्यांना भावून गेला. तर अथर्व कर्वेने पेशवाई लूकमध्ये सर्वांची मनं जिंकली. दोघांच्याही लूकमध्ये साधेपणा असूनही रॉयल फील जाणवत होता. ज्यामुळे त्यांच्या विवाहसोहळ्याची चर्चा सर्वत्र होत आहे. साक्षी आणि अथर्व यांच्या या नव्या प्रवासाला चाहत्यांसह मराठी मनोरंजनसृष्टीकडून शुभेच्छांचा वर्षाव होत आहे.
आणखी वाचा – “देवाच्या कृपेने वाचला…” गोविंदाला आल्या जीवे मारण्याच्या धमक्या, घरातील बंदुकीमुळे बचावला; मॅनेजरचा खुलासा
