Rahul Deshpande Separation : शास्त्रीय संगीताला लाभलेला हिरा म्हणजे गायक राहुल देशपांडे. आजवर राहुलने त्याच्या गायनाने साऱ्यांना मंत्रमुग्ध करुन सोडलं. मी वसंतराव या चित्रपटातून राहुल अभिनेता म्हणून मोठ्या पडद्यावर आला. राहूल सोशल मीडियावर प्रचंड सक्रीय असतो. कधी तो शास्त्रीय गाणं सादर करत असतो तर कधी मुलगी रेणूकाबरोबर धम्माल मस्ती करताना दिसतो. राहुल व त्याची नेहा देशपांडे दोघेही सोशल मीडियावर सक्रिय असतात. अशातच राहुल व नेहा यांच्या वैयक्तिक आयुष्याबाबत मोठी अपडेट समोर आली आहे. राहुल व नेहा हे वेगळे झाले आहेत. घटस्फोटाची बातमी त्यांनी इंस्टाग्रामवर शेअर केली आहे. अर्थात या बातमीने साऱ्यांना धक्का बसला आहे.
राहुलने इंस्टाग्राम अकाउंटवर पोस्ट शेअर करत असं म्हटलं की, “प्रिय मित्रांनो, तुम्ही प्रत्येकजण माझ्या प्रवासाचा तुमच्या पद्धतीने एक अर्थपूर्ण भाग राहिला आहात आणि म्हणूनच मी तुमच्याबरोबर एक वैयक्तिक आणि महत्त्वाची अपडेट शेअर करु इच्छितो. मी तुमच्यापैकी काहींना ही बातमी आधीच शेअर केली आहे. १७ वर्षांच्या लग्नानंतर आणि असंख्य आठवणींनंतर, नेहा आणि मी परस्पर वेगळे झालो आहोत आणि स्वतंत्रपणे आमचे आयुष्य सुरु ठेवत आहोत. आमचे कायदेशीर वेगळेपण सप्टेंबर २०२४ मध्ये मैत्रीपूर्णपणे अंतिम झाले”.
पुढे त्याने म्हटलं, “मी हे अपडेट शेअर करण्यापूर्वी थोडा वेळ घेण्याचा निर्णय घेतला जेणेकरुन खासगीरित्या सर्वकाही होईल आणि सर्वकाही विचारपूर्वक व्यवस्थापित केले जाईल याची खात्री व्हावी म्हणून, विशेषतः आमच्या मुलीच्या, रेणुकाच्या, मनापासून आणि सर्वोत्तम हिताच्या दृष्टीने. ती माझी सर्वोच्च प्राथमिकता आहे आणि मी नेहासोबत तिचे अतूट प्रेम, पाठिंबा आणि स्थिरतेसह सह-पालकत्व करण्यास वचनबद्ध आहे”.
शेवटी त्याने म्हटलं, “हे आमच्यासाठी वैयक्तिकरित्या एक नवीन अध्याय चिन्हांकित करत असले तरी, पालक म्हणून आमचे बंधन आणि एकमेकांबद्दलचा आमचा आदर मजबूत आहे. या काळात आमच्या गोपनीयतेबद्दल आणि निर्णयाबद्दल तुमच्या समजूतदारपणा आणि आदराबद्दल मी खरोखर आभारी आहे. प्रेम आणि कृतज्ञतेसह, राहुल”.
