बॉलिवूड अभिनेता सलमान खान मोठ्या प्रमाणात चर्चेत आला आहे. १२ ऑक्टोबर रोजी एनसीपी नेते व सलमानचे खास मित्र बाबा सिद्दीकी यांची गोळ्या झाडून हत्या करण्यात आली. सिद्दीकी यांच्या हत्येनंतर सलमानलादेखील जीवे मारण्याच्या धमक्या मिळू लागल्या. त्यानंतर सलमानच्या सुरक्षेमध्ये वाढ करण्यात आली. सलमानच्या कुटुंबीयांनीदेखील सलमानच्या सुरक्षेबाबत काळजी व्यक्त केली होती. दरम्यान आता पुन्हा एकदा सलमानच्या बाबतील एक अपडेट समोर आली आहे. याबद्दल आता सर्वत्र चर्चा केली जात आहे. तसेच सलमानबद्दल चिंतादेखील व्यक्त करण्यात येत आहे. त्यामुळे आता नक्की काय झालं आहे? कोणत्या अपडेटसमोर समोर आल्या आहेत हे आता जाणून घेऊया. (salman khan death threat)
सलमानला पुन्हा एकदा जीवे मारण्याची धमकी मिळाली आहे. त्याचप्रमाणे बाबा सिद्दीकी यांचा मुलगा झिशान सिद्दीकीलादेखील धमक्या मिळाल्या आहेत. मात्र धमकी देणाऱ्याला नोएडा येथून अटक करण्यात आली आहे. या व्यक्तीचे नाव गुरफान खान असे असून तो २० वर्षांचा आहे. ‘एबीपी न्यूज’च्या माहितीनुसार, झिशानला एक धमकीचा फोन आला. तसेच धमकी देणाऱ्याने सलमानलादेखील धमकी दिली. तसेच धमकी देणाऱ्याने पैशांचीदेखील मागणी केली आहे. या प्रकरणी आता आज्ञात लोकांच्या विरोधात निर्मल नगर पोलिस स्थानकात तक्रार दाखल करण्यात आली आहे.
मिळालेल्या माहितीनुसार, झिशानला शुक्रवारी २५ ऑक्टोबर रोजी संध्याकाळी एका अज्ञात व्यक्तीचा फोन आला. त्याने धमकी दिली. दरम्यान बाबा सिद्दीकी यांच्या हत्येची जबाबदारी गॅंगस्टर लॉरेन्स बिश्नोइने स्वीकारली होती. दरम्यान बाबा सिद्दीकीच्या हत्येनंतर सलमानने झिशान व त्याच्या संपूर्ण कुटुंबाला खूप पाठिंबा दिला आहे. सलमान नेहमी त्यांच्या कुटुंबाबाबरोबर असल्याचेदेखील त्याने सांगितले. पहिल्या दिवसापासून ते अंत्यसंस्कारापर्यंत सलमान सिद्दीकी कुटुंबाबरोबर असल्याचेही झिशान म्हणाला.
दरम्यान बाबा सिद्दीकी यांच्या हत्येनंतर सलमानच्या सुरक्षेमध्ये वाढ करण्यात आली आहे. सलमानलादेखील बिश्नोइ गॅंगकडून इवे मारण्याच्या धमक्या मिळू लागल्या. अभिनेत्याच्या कुटुंबानेदेखील त्याच्या सुरक्षेमध्ये वाढ करण्यात आली. सध्या सलमानला मुंबई पोलिसांनी Y+ सुरक्षा प्रदान केली आहे. काही दिवसांनापूर्वीच सलमान सुरक्षेमध्ये ‘बिग बॉस’च्या चित्रकरणास पोहोचला.
