Navri Mile Hitlerla Serial : टीव्हीवर प्रदर्शित होणाऱ्या काही मालिका या प्रेक्षकांच्या लाडक्या असतात. शा मालिकांपैकी एक मालिका म्हणजे ‘नवरी मिळे हिटलरला’ ही मालिका आहे. या मालिकेतील कथानक आणि कलाकारांचा अभिनय यामुळे ही मालिका प्रेक्षकांच्या मनावर राज्य करत आहे. कधी एजे व लीला यांच्यामधील मैत्री, कधी त्यांच्यात निर्माण होणारे गैरसमज, तर संकटात अभिरामने लीलाला केलेली मदत अशा कथानकामुळे ही मालिका प्रेक्षकांची आवडती मालिका झाली आहे. जहागीरदार कुटुंब परदेशात फिरायला गेले असताना त्यांच्यातील प्रेम अधिक बहरल्याचे पाहायला मिळाले. तसेच अनेक प्रोमो सोशल मीडियावर व्हायरल झाले होते. (Navri Mile Hitlerla Serial Update)
त्यामुळे ही मालिका बघण्यात प्रेक्षकांना आणखी रस निर्माण होऊ लागला होता. अशातच आता मालिकेत एक अनपेक्षित वळण आले आहे. ते म्हणजे लीलाने जहागीरदारांचे घर सोडले आहे. मालिकेत नुकत्याच झालेल्या भागात लीलाने एजे व अंतराच्या लग्नाचा वाढदिवस साजरा केला असून तिने अंतराचे जुनी साडीही परिधान केली आहे. पण हीच गोष्ट एजेला आवडली नसून त्याने यावेळी लीलाला असं म्हटलं की, “तु माझ्या आणि अंतराच्या मध्ये येणार असशील तर तुला या घरात जागा नाही. तुला मी शेवटचे सांगत आहे, तुला जर या घरात अंतराची जागा न घेता फक्त लीला म्हणून राहायचे असेल तरच राहा. नाहीतर इथून जा”.
यानंतर बुधवारच्या भागात लीला बॅग घेऊन जहागीरदारांच्या घराबाहेर पडली. अशातच आता मालिकेच्या आगामी भागाचा एक प्रोमो समोर आला आहे ज्यात एजे लीलाला मिस करत असल्याचे पाहायला मिळत आहे. या नवीन प्रोमोमध्ये एजेला त्याचा पीए कॉफी आणून देतो. पण एजे “मला कॉफी स्ट्रॉंग लागते” असं म्हणत त्यात दूध व साखर नको असल्याचे सांगतो. यावर तो पीए “इतकं कोण लक्षात ठेवेल?” असं म्हणतो. तेवढ्यात एजेकडून चुकून लीलाचे नाव येते. पुढे एजे ऑफिसला जात असताना बॅगमध्ये काहीतरी शोधत असतो, तेव्हा त्याची आई त्याला “काही राहीलं आहे का?” असं विचारते. तेव्हा एजे असं म्हणतो की, “लीला दरवेळेस काहीतरी गोंधळ घालते”.
आणखी वाचा – अरमान मलिकने गुपचूप उरकलं चौथं लग्न?, मुलांना सांभाळणाऱ्या व्यक्तीशीच जुळलं प्रेम, पायल-कृतिकाचं काय होणार?
यावर लीलाचे आई त्याला असं म्हणते की, “तू कितीही नाकारलं तरी तुला लीलाची सवय झाली आहे हेच खरं आहे. तू मान्य कर किंवा नको करु. तुला लीलाची सवय लागली असून तुला तिची आठवण येत आहे”. यानंतर एजे लीलाचा विचार करु लागतो. त्यामुळे एजे लीलावर त्याचे प्रेम असल्याचे मान्य नसला तरी त्याला तिची आठवण येत आहे आणि त्याचे तिच्यावर प्रेम आहे हे नक्की. त्यामुळे आता या दोघांच्या नात्यात पुढे काय होणार? हे पाहायची प्रेक्षकांना उत्सुकता लागून राहली आहे.
