१७ वर्षांपूर्वी बॉक्स ऑफिसवर धुमाकूळ घालणाऱ्या साडे माडे तीन या चित्रपटाने प्रेक्षकांच्या मनावर अधिराज्य गाजवलं. या चित्रपटात अशोक सराफ, भरत जाधव, मकरंद अनासपुरे या त्रिकूटाने साकारलेले ‘कुरळे ब्रदर्स’ हे पात्र प्रेक्षकांनी अक्षरशः डोक्यावर उचलून घेतले. हिंदी चित्रपटसृष्टीतील गाजलेल्या ‘चलती का नाम गाडी’ या अशोक कुमार, अनुप कुमार आणि किशोर कुमार या रील आणि रियल लाइफ भावंडांच्या अभिनयातून लोकप्रियतेस आलेल्या चित्रपटाचा ‘साडे माडे तीन’ हा रिमेक होता. आता चित्रपटरसिकांना ‘पुन्हा एकदा साडे माडे तीन’ च्या निमित्तानं ‘कुरळे ब्रदर्स’चं धूमशान अनुभवायला मिळणार आहे. (Sade Made Teen Marathi Movie Part 2)
काही दिवसांपूर्वीच ‘साडे माडे तीन’ चित्रपटाचा सिक्वेल येणार असल्याचं सांगण्यात आलं होतं. यानंतर आता चित्रपटाच्या सिक्वेलच्या शुटींगलाही सुरुवात झाली असल्याचं समोर आलं आहे. ‘पुन्हा एकदा साडे माडे तीन’ मध्ये अशोक सराफ, भरत जाधव, मकरंद अनासपुरे, सिद्धार्थ जाधव हे कलाकार प्रमुख भूमिकेत दिसणार आहेत. याशिवाय चित्रपटात कोणते कलाकार कोणत्या भूमिकेत दिसणार हे अद्याप गुलदस्त्यात ठेवण्यात आले आहे.
अभिनेता सिद्धार्थ जाधवने एक पोस्ट शेअर करत ‘साडे माडे तीन’ चित्रपटाच्या चित्रीकरणाला सुरुवात झाली असल्याचं सांगितलं आहे. शेअर केलेल्या फोटोमध्ये अभिनेता संकेत पाठक, रिंकु राजगुरुही दिसत आहेत. त्याचप्रमाणे या फोटोमध्ये मकरंद अनासपुरे, भरत जाधव, अशोक सराफ ही मंडळी देखील दिसत आहेत. साडे माडे तिने या चित्रपटाच्या दिग्दर्शनाची जबाबदारी अभिनेता अंकुश चौधरीने साकारली होती. या चित्रपटातून अंकुशने अभिनयक्षेत्रात पदार्पण केलं. आता चित्रपटाच्या सिक्वेलच्या दिग्दर्शनाची जबाबदारीही अंकुश सांभाळताना दिसत आहे. तर चित्रपटाच्या छायाचित्रणाची जबाबदारी संजय जाधव साकारत आहे.
आणखी वाचा – पहिल्यांदा लेकीसाठी व्यक्त झाले वडील, अंकिता व्हिडीओ पाहून ढसाढसा रडली, म्हणाले, “बोलून दाखवलं नाही पण…”
सिद्धार्थने ही पोस्ट शेअर करत म्हटलं की, “पुन्हा एकदा साडे माडे ३”. “पुन्हा एकदा” महाराष्ट्रातल्या ” MEGA SUPERSTARS”बरोबर काम करायचा योग. “पुन्हा एकदा” जुन्या मित्रांबरोबर नविन काम. “पुन्हा एकदा” संजय जाधव सरांच्या नजरेतून दिसण्याच्या योग. “पुन्हा एकदा” अंकुश चौधरी सरांच्या दिग्दर्शनाखाली काम करण्याची संधी आणि “पुन्हा एकदा” मायबाप रसिकांना आनंद देण्याचा घेतलेला वसा”, असं कॅप्शन देत त्याने नव्या चित्रपटाची घोषणा केली.
