वडील हा प्रत्येक मुलाच्या आयुष्यातला सुपरहिरो असतो. त्या सुपरहिरोच अस्तित्व हे प्रत्येक मुलासाठी महत्त्वाचं असतं. पण ते अस्तित्वचं अचानक नाहीसं झालं तर कोणताही माणूस कोलमडून पडतो. असंच काहीसं झालं एका मराठी अभिनेत्याबद्दल आणि हा अभिनेता म्हणजे ‘बिग बॉस मराठी’ फेम जय दुधाणे. जय दुधाणेला नुकताच पितृशोक झाला आहे आणि याबद्दल स्वतः जयने सोशल मीडियाद्वारे माहिती दिली आहे. जयने त्याच्या इन्स्टाग्राम अकाउंटद्वारे वडिलांबद्दलची भावुक पोस्ट शेअर केली आहे. या पोस्टद्वारे त्याने त्याच्या आयुष्यातला सुपरहिरो गमावल्याची दुःखद भावनादेखील व्यक्त केली आहे.
या पोस्टमध्ये जयने त्याच्या भावना व्यक्त करत असं म्हटलं आहे की, “मी हे शेअर करेन असे कधी वाटले नव्हते. २४ जूनच्या मध्यरात्री कार्डियाक अरेस्टमुळे मी माझा सुपरहिरो गमावला. तो फक्त आमच्या कुटुंबासाठीच नाही तर त्याच्या ओळखीच्या प्रत्येकासाठी एक रत्न होता. ते नेहमी त्यांच्या प्रामाणिकपणा आणि आश्वासक वृत्तीसाठी ओळखले गेले. सामाजिक कार्य ही त्यांची आवड होती. नेहमी एक चांगला माणूस बनण्याचा प्रयत्न केला”.
यापुढे त्याने असं म्हटलं आहे की, “माझे सर्व मित्र ते ज्यांना काका म्हणायचे, त्यांचे सर्व मित्र जे त्यांना अनिलभाई म्हणायचे, तसेच त्यांना ओळखत असलेल्या सर्व लोकांसाठी, तुम्ही आता त्यांना शेवटचे पाहू शकता. ते आपल्या हृदयात, आपल्या मनात कायम राहतील. या पुढे २४ जून २०२४ हा माझ्या आयुष्यातील सर्वात काळा दिवस असेल. कारण मी फक्त माझे वडीलच नाही तर एक खरा मित्र, खरा पालक आणि एक खरा माणूस गमावला आहे”.
आणखी वाचा – मिथुन, वृषभ व कर्क राशीच्या लोकांसाठी बुधवार असणार फलदायी, नोकरीत व व्यवसायात होणार आर्थिक लाभ
यापुढे जयने “तुम्ही जिथे असाल तिथे देव तुमचे कल्याण करो. तुम्ही नेहमी आणि नेहमी माझ्या हृदयात राहशील. मी तुमच्यावर कायम प्रेम करत राहीन” असं म्हणत वडिलांबद्दलच्या शेवटच्या आठवणी व्यक्त केल्या आहेत. दरम्यान, जय हा सध्या स्टार प्रवाह वाहिनीवरील ‘येड लागलं प्रेमाचं’ या मालिकेतून प्रेक्षकांचे मनोरंजन करत आहे. या मालिकेत तो खलनायक साकारत असून त्याची भूमिका प्रेक्षकांना आवडत आहे.