झी मराठी वाहिनीवरील ‘तुला शिकवीन चांगलाच धडा’ मालिकेत सध्या अधिपती व अक्षरा यांच्यातील प्रेम बहरत असल्याचे पाहायला मिळत आहे. मालिकेत एकामागून एक रंजक वळण घेत असून अधिपती व अक्षरा यांच्यातील प्रेमाचा नवीन ट्विस्ट प्रेक्षकांचे लक्ष वेधून घेत आहे. नुकतीच अक्षराने अधीपतीला तिच्या प्रेमाची कबुलीदेखील दिली आहे. प्रेमाची कबुली दिल्यावर त्यांचं नातं अधिक फुलताना दिसत आहे. अक्षरा व अधिपती यांच्या खऱ्या संसाराला आता कुठे सुरुवात झाली आहे. त्यामुळे प्रेक्षक अधिकच मालिकेच्या प्रेमात पडत आहेत.
अक्षराने अधिपतीच्या खास अंदाजात त्याला आपल्या प्रेमाची मागणी घातली. या नवीन ट्विस्टला प्रेक्षकांकडून तुफान प्रतिसाद मिळाला. अशातच आता अधिपती-अक्षरा यांच्या फुलणाऱ्या प्रेमाचे चित्रण करणारे काही खास व्हिडीओ झी मराठीच्या सोशल मीडिया अकाऊंटद्वारे शेअर करण्यात येत आहेत. या नवीन व्हिडीओमधून अधिपती-अक्षरा यांच्यातील गोड क्षण पाहायला मिळत आहेत.
या मालिकेचा नुकताच शेअर करण्यात व्हिडीओ सध्या प्रेक्षकांच्या चांगलाच पसंतीस उतरत आहे, या नवीन प्रोमोमध्ये अधिपती अक्षरासाठी एक खास कविता करत आहे. घरातील लाइट गेली असताना अधिपती व अक्षरा एकमेकांच्या प्रेमात आकंठ बुडाले असताना अधिपती अक्षरासाठी खास कविता करतो. यावेळी तो अक्षरासाठी कविता करत असं म्हणत की, “कवितेची नवी ओळ तुमच्यामुळे सुचली, चाफ्याच्या गंधात सगळी दु:ख हसली, थोडं तुमचं थोडं आमचं वाटून घेऊ आधं आधं, मिठीतला वणवा म्हणतो गोड गोड गार गर फुलातला मध”
आणखी वाचा – लीलाच्या घरी पोहोचला एजे, दोघांना एकत्र आणण्यासाठी आईनेच रचला डाव, बायको म्हणून स्वीकार करणार का?
या नवीन प्रोमोबरोबर अधिपती व अक्षरा यांचे आणखी काही रोमॅंटिक प्रोमो शेअर करण्यात आले असून हे खास प्रोमो चाहत्यांच्या विशेष पसंतीस पडत आहेत. मालिकेचा हा नवीन व्हिडीओ प्रेक्षकांचे चांगलेच लक्ष वेधून घेत असून या नवीन ट्विस्टही त्यांना आवडत आहे. दरम्यान, अधिपती व अक्षरा यांच्यातील प्रेमात आता भुवनेश्वरी मिठाचा खडा टाकणार का?, त्यांच्यातील प्रेमात भुवनेश्वरी व्यत्यय आणणार का? हे पाहणे उत्सुकतेचे ठरणार आहे.