सध्या उष्णतेचं वाढतं प्रमाण अनेकांच्या आरोग्यास हानिकारक ठरत आहे. अशावेळी या उष्णतेपासून पळ काढण्यासाठी अनेकजण निसर्गाच्या सान्निध्यात फिरायला जाताना दिसत आहेत. तर अनेकजण उष्णेतपासून सुटका म्हणून विविध उपाय करताना दिसत आहेत. अशातच या उष्णतेला कंटाळून आता कलाकार मंडळीही त्यांच्या व्यस्त श्येड्युलमधून वेळ काढत फिरायला गेले असल्याचं पाहायला मिळत आहे. सध्या ‘महाराष्ट्राची हास्यजत्रा’ फेम कलाकार मंडळी सहन न होणाऱ्या या उन्हाळ्यातून पळ काढत निसर्गाच्या सान्निध्यात पोहोचले आहेत. (Maharashtrachi Hasyajatra Team)
‘महाराष्ट्राची हास्यजत्रा’ या कार्यक्रमाने आजवर लाखो प्रेक्षकांची मनं जिंकली आहेत. गेल्या अनेक वर्षांपासून हा कार्यक्रम रसिक प्रेक्षकांच्या मनात घर करुन आहे. आजवर या कार्यक्रमातील कलाकारांनी आणि कार्यक्रमातील कथानकाने प्रेक्षकांच्या मनावर राज्य केलं आहे. या कार्यक्रमाचे जगभरात लाखो दिवाने चाहते आहेत. ‘महाराष्ट्राची हास्यजत्रा’ हा कार्यक्रम आता केवळ महाराष्ट्रापुरताच मर्यादित न राहता जगभरात देखील लोकप्रिय ठरत आहे. या कार्यक्रमाचे महाराष्ट्रासह परदेशातही दौरे होत असतात.
ही हास्यजत्रेतील कलाकार मंडळी सध्या त्यांच्या व्यस्त श्येड्युलमधुन वेळात वेळ काढत अलिबाग येथे फिरायला गेली आहेत. अभिनेत्री वनिता खरातने त्यांचा एकत्र एन्जॉय करतानाचा एक फोटो शेअर करत याबाबतची माहिती दिली आहे. वनिताने शेअर केलेल्या या फोटोमध्ये वनितासह तिचा नवरा सुमित लोंढे, रोहित माने आणि त्याची बायको, रसिका वेंगुर्लेकर आणि तिचा पती सनी शिंदे, प्रियदर्शिनी इंदलकर, ओंकार राऊत ही कलाकार मंडळी पाहायला मिळत आहेत.
या फोटोमध्ये ही कलाकार मंडळी एकत्र धमाल करताना दिसत आहेत. यावेळी गरमीपासून बचाव म्हणून नारळपाणी पिताना दिसत आहेत. सध्या ही मंडळी अलिबाग येथील चौल गावात सुट्ट्यांचा मनमुराद आनंद लुटताना दिसत आहेत. हास्यजत्रेतील सगळीच कलाकार मंडळी नेहमीच एकत्र फिरताना दिसतात. बरेचदा ही मंडळी त्यांच्या परदेशात दौऱ्यानिमित्त जातात तेव्हाही तिथे एकत्र फिरताना दिसतात.
