अतरंगी वेषामुळे उर्फी जावेद नेहमी चर्चेत असते. तिचे अनेक व्हिडीओ व फोटो नेहमीच सोशल मीडियावर व्हायरल होत असतात. तिच्या अतरंगी पेहरावामुळे तिला अनेकदा ट्रोलिंगचादेखील सामना करावा लागला आहे. मात्र कोणाच्याही बोलण्याला न जुमानता तिने तिचे काम सुरुच ठेवले. ती स्वतःदेखील सोशल मीडियावर अधिक सक्रीय असते. त्यामधून ती काही मेकअप, कपडे याबद्दलच्या टिप्स शेअर करत असते. तसेच आपल्या ड्रेसचे व्हिडीओ व फोटोदेखील शेअर करत असते. पण अशातच आता तिचे काही फोटो पाहून तिच्या चाहत्यांना धक्का बसला आहे. (Uorfi Jawed face)
उर्फीने आपल्या इन्स्टाग्राम अकाऊंटवरुन स्वतःचे काही फोटो शेअर केले आहेत. या फोटोंमध्ये ती नेहमीपेक्षा वेगळी दिसत आहे. तिच्या डोळ्यांना व ओठांना खूप सूज आलेली दिसून येत आहे. हे फोटो पाहून नेटकऱ्यांनी ओठांवर ट्रीटमेंट केल्याचे म्हंटलं आहे. मात्र उर्फीने स्वतः शेअर करत लिहिले आहे की, “माझ्या फोटोवर अनेकांनी खूप प्रतिक्रिया दिल्या आहेत. मी फिलर्स केल्याचेही सर्वजण बोलत आहेत. पण मला खूप ॲलर्जीचा त्रास आहे. माझ्या चेहऱ्यावर नेहमी सूज असते. मी रोज अशाच अवस्थेत उठते. तसेच यामुळे मला नेहमी त्रासदेखील होतो”.
पुढे ती म्हणाली की, “फोटोमध्ये माझ्या चेहऱ्यावर जी सूज दिसत आहे ती फिलर्समुळे नाही तर ती ॲलर्जी आहे. सध्या माझी इम्युनोथेरपी सुरु आहे. पण नंतर मला जेव्हा तुम्ही सुजलेल्या चेहऱ्याने बघाल तेव्हा समजून जा की मला ॲलर्जी झाली आहे. मी नॉर्मल फिलर्स व बोटॉक्स व्यतिरिक्त काहीही केले नाही. ही ट्रीटमेंट मी वयाच्या 18व्या वर्षापासून घेत आहे. त्यामुळे मी अशा सुजलेल्या चेहऱ्याने कधी दिसले तर फिलर्स न करण्याचा सल्ला देऊ नका. अशावेळी मला तुमच्या आधाराची गरज आहे”.
उर्फीच्या या पोस्ट अनेक नेटकऱ्यांनी प्रतिक्रिया दिल्या आहेत. एका नेटकऱ्याने लिहिले आहे की, “देव तुला हे सगळे सहन करण्याची ताकद देवो. आजूबाजूच्या नकारात्मकतेवर लक्ष देऊ नकोस”, दुसरा नेटकरी लिहितो की, “ऐकून वाईट वाटलं. कृपया तू काळजी घे”.
उर्फीच्या कामाबद्दल बोलायचे झाले तर नुकतीच ती ‘लव्ह सेक्स और धोका 2’ या चित्रपटामध्ये दिसून आली होती.