पडद्यावर साकारणाऱ्या गोष्टींपेक्षा पडद्यामागील घडणाऱ्या गोष्टी जाणून घेण्यात अनेकांना रस असतो. अशातच मालिका हा अनेकांच्या जिव्हाळ्याचा विषय. त्यामुळे आपल्या आवडत्या मालिकेबद्दल व त्या मालिकेच्या कलाकारांबद्दलची प्रत्येक अपडेट जाणून घेण्यासाठी चाहते मंडळी कायमच उत्सुक असतात. अशीच छोट्या पडद्यावर सध्या गाजत असलेली मालिका म्हणजे ‘सातव्या मुलीची सातवी मुलगी’ ही मालिका.
मालिकेतील कलाकार हे नेहमीच पडद्यामागील घटना, प्रसंग किंवा काही दृश्य प्रेक्षकांबरोबर शेअर करत असतात. अशातच मालिकेतील इंद्राणी म्हणजेच अभिनेत्री श्वेता मेहंदळेने शेअर केलेल्या एका व्हिडीओने चाहत्यांचं लक्ष वेधून घेतले आहे. श्वेताने मालिकेतील नुकत्याच शूट झालेल्या एका सीनच्या चित्रीकरणाच्या तयारीचा व्हिडीओ सोशल मीडियाद्वारे शेअर केला आहे. या व्हिडीओमध्ये सातव्या मुलीची सातवी मुलगी या मालिकेची टीम जंगलात शूटिंग करतानाचे पाहायला मिळत आहे.
तसेच या सीनसाठी पडद्यामागील कलकारा एखादा महत्त्वाचा सीन पडद्यावर उत्तमरित्या साकारला जावा यासाठी किती मेहनत घेतात, हेदेखील दिसून येत आहे. त्याचबरोबर ऐश्वर्या नारकरांनी शेअर केलेला एक व्हिडीओही सर्वनाचे लक्ष वेधून घेत आहे. नुकताच मालिकेत विरोचकाचा नदीतील एक सीन शूट झाला होता. यासाठी विरोचक नदीत उभे आसल्याचे पाहायला मिळाले. याच सीनच्या पडद्यामागची मेहनत ऐश्वर्या यांनी त्यांच्या या व्हिडीओद्वारे दाखवली आहे.
या व्हिडीओमध्ये ऐश्वर्या यांच्या हाताला धरून काही माणसे नदी पार करताना दिसत आहेत. तसेच या व्हिडीओमध्ये त्या नदीत जवळपास अर्ध्या डुबलेल्या दिसत आहेत. त्यामुळे एखाद्या सीनसाठी ऐश्वर्या यांनी केलेली मेहनत या व्हिडीओमधून दिसून येत आहे. ऐश्वर्या या सोशल मीडियावर चांगल्याच सक्रिय असतात. त्या अनेकदा मालिकेचे पडद्यामागील काही खास क्षण व्हिडीओद्वारे शेअर करत असतात. त्यामुळे या व्हिडीओमधील त्यांच्या मेहनतीसाठी चाहत्यांनी त्यांचे कौतुक केले आहे.
ऐश्वर्या यांनी शेअर केलेल्या या व्हिडीओला अनेकांनी लाईक्स व कमेंट्सद्वारे चांगलाच प्रतिसाद दिला आहे. खूपच छान मालिका आहे, मालिकेच्या एका सीनसाठी किती मेहनत घेतली जाते हे यातून दिसून येत आहे” अशा अनेक कमेंट्स करत त्यांचे या सीनसाठी कौतुक केले आहे.
