ओटीटीवर अनेक आशयघन असलेले चित्रपट व वेबसीरिज प्रेक्षकांच्या भेटीला येत असतात. त्यामुळे गेल्या वर्षात ओटिटीला अधिक पसंती मिळत आहे. चित्रपटगृहांमध्ये प्रदर्शित होणारे चित्रपटदेखील आता सर्वांना पाहता यावेत यासाठी सर्व चित्रपट आता लवकरच प्रेक्षकांच्या भेटीला येणार आहेत. या आठवड्यात कोणते चित्रपट प्रेक्षकांच्या भेटीला येणार आहेत त्याबद्दल आता माहिती घेऊया. (ott release movie)
जरा हटके जरा बचके : या चित्रपटामध्ये विकी कौशल व सारा अली खान यांच्या मुख्य भूमिका आहेत. या चित्रपटाची गोष्ट सामान्य व्यक्तीच्या बाजूने फिरताना दिसते. या चित्रपटा दिग्दर्शन लक्ष्मण उतेकरने केले आहे. हा चित्रपट 2 जून २०२३ चित्रपटगृहांमध्ये प्रदर्शित झाला होता. या चित्रपटाने ११५.८९ कोटी रुपयांचे कलेक्शन केले. हा चित्रपट जियो सिनेमावर १७ मे २०२४ रोजी प्रेक्षकांच्या भेटीला येणार आहे.
‘गॉडजिला एक्स काँग : द न्यू एम्पायर’ : अमेरिकन चित्रपट ‘गॉडजिला एक्स काँग : द न्यू एम्पायर’ हा चित्रपट १३ मे २०२४ रोजी ॲमेजॉन प्राइमवर प्रेक्षकांच्या भेटीला येणार आहे. हा चित्रपट एडम विंगर्ड यांनी दिग्दर्शित केला आहे. हे मेटावर्स फ्रेंचायजीचा पाचवा चित्रपट आहे. तसेच गॉडजिला फ्रेंचायजीचा ३८ वा चित्रपट आहे.
बाहुबली : क्राऊन ऑफ ब्लड : ही एक प्रीक्वेल ॲनीमेटेड सिरिज आहे. यामध्ये अमरेंद्र बाहुबली व भल्लालदेव यांच्या आधीच्या संघर्षाबद्दलची गोष्ट आहे. ही सीरिज १७ मे रोजीपासून डिज्नी+हॉटस्टारवर पाहायला मिळणार आहे.
बस्तर : द नक्सल स्टोरी : हा एक थ्रीलर चित्रपट आहे. दिग्दर्शक सुदीप्तो सेनने दिग्दर्शित केला आहे. या चित्रपटामध्ये अदा शर्माने मुख्य भूमिका साकारली आहे. तसेच तिच्याबरोबर इंदिरा तिवारी, विजय कृष्णा, शिल्पा शुक्ला, यशपाल शर्मा, सुब्रत दत्ता रायमा सेन मुख्य भूमिकांमध्ये दिसणार आहे. हा चित्रपट १७ मे पासून ‘झी ५’वर पाहता येणार आहे.
