Anant Ambani-Radhika Merchant Pre Wedding in Jamnagar : गुजरातमधील जामनगर येथे अनंत अंबानी व राधिका मर्चंट यांचा लग्नाआधीचा कार्यक्रम थाटामाटात पार पडला. संपूर्ण देशभरात या कार्यक्रमाची धूम बघायला मिळाली. यासाठी जगभरातील अनेक उद्योगपतींनी हजेरी लावली होती. हॉलिवूड पॉपस्टार रिहानानेही कोट्यावधी रुपयांचे मानधन घेत जबरदस्त परफॉर्मन्स सादर केला. रिहानाच्या परफॉर्मन्सचे व्हिडीओ अजूनही सोशल मिडियावर धुमाकूळ घालत आहेत. या कार्यक्रमासाठी बॉलिवूडमधील सर्वच कलाकारांनी आपली उपस्थिती दर्शवली. सर्वांनी विविध परफॉर्मन्सही सादर केले.खान मंडळींचा एकत्रित डान्स, फॅशन डिझायनर मनीष मल्होत्राने अभिनेत्रींबरोबर केलेला डान्स तसेच रणवीर सिंह व दीपिकाचा जबरदस्त परफॉर्मन्स या सर्वांनीच उपस्थितांची मने जिंकली.
अनंत व राधिका यांच्या 1 ते 3 मार्च दरम्यान पार पडलेल्या कार्यक्रमामध्ये संपूर्ण बॉलिवूड उपस्थित होतं. ज्येष्ठ अभिनेते अमिताभ बच्चन व त्यांच्या संपूर्ण कुटुंबीयांनी आवर्जून या कार्यक्रमामध्ये सहभाग घेतला होता. कार्यक्रम झाल्यानंतर सर्वजण घरी परतत असताना ज्येष्ठ अभिनेत्री जया बच्चन यांचा एक व्हिडीओ व्हायरल झाला आहे. या व्हायरल झालेल्या व्हिडीओने सर्वांनाच आश्चर्याचा धक्का बसला असून अनेक नेटकऱ्यांनी त्यांच्या प्रतिक्रिया व्यक्त केल्या आहेत.
सदर व्हायरल झालेल्या व्हिडीओमध्ये बच्चन कुटुंबीय जामनगर एअरपोर्टसाठी रवाना होत असताना अमिताभ,अभिषेक, ऐश्वर्या, आराध्या व जया ही सर्व एकत्र निघाले होते. पण त्या नंतर एकट्या चालू लागल्या. त्यावेळी फोटोग्राफर्सना बघून जया यांनी स्मितहास्य केलं आणि अभिवादन करुन निघून गेल्या. नेहमी फोटोग्राफर्सवर चिडणाऱ्या, फटकारणाऱ्या जया यांनी स्मितहास्य कसं काय दिलं? यावर चांगलीच चर्चा रंगली आहे. या व्हिडीओवर एक नेटकरी म्हणाला की, “अरे! यांना काय झालं?”, दूसरा नेटकरी लिहितो की, “पहिल्यांदाच त्यांना मी हसताना पाहिलं आहे”, तिसरा नेटकरी म्हणाला की, “आज या ओरडल्या नाहीत”.
जया यांच्याबरोबरच त्यांची नात आराध्याच्या हेअरस्टाइलनेही सर्वांचे लक्ष वेधले. इतक्या वर्षांपासून एकसारख्या हेअरस्टाइलमध्ये राहणाऱ्या आराध्याची वेगळी हेअरस्टाइल बघायला मिळाली.काही महिन्यांपूर्वीच आराध्याने तिच्या शाळेतील एका कार्यक्रमामध्ये सहभाग घेतला होता. यामध्ये तिच्या अभिनयाची झलखही पाहायला मिळाली होती. तिच्या अभिनयाचे सर्वांनीच भरभरून कौतुक केले. तसेच अभिनयाचा वारसा आराध्या पुढे चालवेल असेही अनेकांनी म्हटले.
