सिनेसृष्टीतील अनेक कलाकार सोशल मीडियावर अधिक सक्रिय असतात. त्यापैकीच एक म्हणजे प्रसाद ओक. प्रसादच्या सोशल मीडियावर विविध पोस्ट चर्चेचा विषय ठरतात. त्याच्या अभिनयाच्या जोरावर त्याने त्याचा चाहता वर्ग निर्माण केला आहे. त्याचा ‘परिनिर्वाण’ हा चित्रपट प्रेक्षकांच्या भेटीला येणार आहे. प्रसादसह फिल्टरपाड्याचा बच्चन म्हणजेच गौरव मोरे हा मुख्य भूमिकेत झळकणार आहे. ‘महाराष्ट्राची हास्यजत्रा’ या शोच्या निम्मिताने दोघांची भेट होत असते. त्यामुळे त्या दोघांचं नातं अगदीच खास आहे.(Prasad Oak Gaurav More)
प्रसादने इन्स्टाग्रामद्वारे प्रवासादरम्यानचा एक व्हिडीओ शेअर केला आहे. या व्हिडिओमध्ये ”इतका सुंदर निसर्ग आजू बाजूला असतानाही मोबाईलमध्ये अडकलेली काही माणसं. रीलच्या शेवटी बघा” असं म्हणत गौरव मोरेकडे कॅमेरा वळविला आहे. त्यात गौरव निसर्गाचा आनंद न घेता मोबाईलवर गेम खेळताना दिसत आहे. हा गमतीदार व्हिडीओ पोस्ट करत ”असा कसा रे तू गौरव” असं कॅप्शन प्रसादने या व्हिडीओला दिलं आहे.
या पोस्टवर गौरवने हसण्याचे इमोजी पाठवत कमेंट केली आहे. तर एका नेटकऱ्याने म्हटलं की, ”त्यांना वाटलं असेल कोणी बघून पण नाही ओळखलं तर कसं होणार आपल…”. तर दुसऱ्या नेटकऱ्याने “गौरव दादा लवकर मोठे व्हा प्लीज, बाहेर एवढं सौंदर्य असूनही तुम्ही गेम खेळत आहात” अशी कमेंट केली आहे. अनेक कलाकारांनीही कमेंट करत या व्हिडीओचा आनंद घेत लाईक्सचा वर्षाव केला आहे.
‘परिनिर्वाण’ या चित्रपटात प्रसाद व गौरव दोघेही झळकणार असून लवकरच हा चित्रपट प्रेक्षकांच्या भेटीला येत आहे. याचबरोबर प्रसादच्या ‘जलेबी’ या नव्या चित्रपटाची शूटिंगही सुरु झाली आहे. तर गौरव ‘अंकुश’ या मराठी आणि ‘संगी’ या हिंदी चित्रपटात झळकणार आहे.
