Hollywood Actor Jonathan Joss death : प्रसिद्ध अमेरिकन अभिनेता आणि संगीतकार जोनाथन जोस यांना गोळ्या घालून ठार मारण्यात आले आहे. पोलिस अधिकाऱ्यांनी अभिनेत्याच्या निधनाच्या बातमीची पुष्टी केली आहे. अ‍ॅनिमेटेड टीव्ही मालिका ‘किंग ऑफ द हिल’ फेम अभिनेत्याला टेक्सासमधील त्याच्या घराजवळ गोळी झाडून त्याला ठार मारण्यात आले. या प्रकरणात पोलिसांनी एका आरोपीला अटक केली आहे. जोनाथन ५९ वर्षांचा होता. यावर्षी फेब्रुवारीमध्ये त्याने व्हॅलेंटाईन डेचे औचित्य साध्य लग्न केले. जानेवारीत त्याच्या घरात एक भयानक जाळपोळही झाली होती.
पोलिसांनी दिलेल्या माहितीनुसार, रविवारी संध्याकाळी सातच्या सुमारास त्याला गोळीबाराची माहिती देण्यात आली.
दक्षिण सॅन अँटोनियो परिसरातील गोळीबाराची बातमी मिळाल्यानंतर पोलिस तेथे पोहोचले तेव्हा अभिनेता रस्त्याच्या जवळ जखमी स्थितीत दिसला. सॅन अँटोनियो पोलिसांनी एका निवेदनात म्हटले आहे की, “ईएमएस येईपर्यंत अधिकाऱ्यांनी जोनाथनचा जीव वाचवण्यासाठी आवश्यक प्रयत्न केले, परंतु ईएमएसने त्याला मृत घोषित केले”. डी गोंझालास म्हणाले की, त्याला आणि जोनाथन जोस यांनाही यापूर्वी छळाचा सामना करावा लागला होता. त्यांनी सांगितले की अभिनेत्याला गोळीबार करण्यापूर्वी समलैंगिक विरोधात त्याने अपशब्द वापरले. गोंझालास म्हणाले, “दोन माणसांनी एकमेकांवर प्रेम करणे ते पाहू शकत नव्हते त्यामुळेच त्याची हत्या केली आहे”.
डी गोंझालास म्हणाले की, गोळीबार करण्यापूर्वी तो आणि जोनाथन घरी मेल तपासत होते. जानेवारीत आगीच्या वेळी त्याच्या घराचे नुकसान झाले. यामध्ये त्याच्या तीन कुत्र्यांनी जीव गमावला. गोंझलास म्हणाले, ‘मग एक माणूस आला आणि त्याने बंदुका दाखवून धमकी दिली. जोनाथन आणि माझ्याकडे शस्त्रे नव्हती. जेव्हा त्या माणसाने गोळीबार केला तेव्हा आम्ही एकत्र उभे होतो. जोनाथनने मला बाहेर ढकलले. त्याने माझे आयुष्य वाचवले. या दरम्यान, पोलिसांनी 56 वर्षांच्या आरोपीला अटक केली आहे.
आणखी वाचा – आयपीएलमधून मुंबई इंडियन्सची एक्झिट नीता अंबानीला पडली महागात, मोठं नुकसान, इतके कोटी…
या घटनेनंतर पोलिस अधिकाऱ्यांनी ५६ वर्षांचा माणूस सिगफ्रेडो अल्वारेज सेजाला अटक केली आहे. त्याच्यावर जोनाथनचा खून केल्याचा आरोप आहे. सॅन अँटोनियो पोलिसांनी सांगितले की, “चौकशीला अद्याप असा कोणताही पुरावा सापडला नाही, असे दर्शविते की श्री. जोस यांना त्याच्या समलैंगिकतेमुळे ठार मारण्यात आले आहे. आम्ही असे आरोप अतिशय गांभीर्याने घेत आहोत आणि सर्व संकेतांची चौकशी करतो. जर कोणताही नवीन पुरावा आला तर आम्ही संशयितावर आरोप करू”.
