gauhar khan blessed with boy : अभिनेत्री गौहर खान आणि झैद दरबार यांच्या घरी आनंदाचे वातावरण पसरले आहे. गौहर खान वयाच्या ४२ व्या वर्षी आई झाली आहे. आधीपासून हे जोडपे एका मुलाचे पालक होते आणि आता ते दुसऱ्यांदा पालक बनले आहेत. या जोडप्याने दुसऱ्यांदा बेबी बॉयचे स्वागत केले आहे. या जोडीने चाहत्यांना इन्स्टाग्रामवर एकत्रित पोस्ट करुन ही चांगली बातमी दिली आहे. गौहर आणि झैद यांनी १ सप्टेंबर रोजी त्यांच्या दुसर्या मुलाचे स्वागत केले. त्याच वेळी, या जोडीने दोन दिवसानंतर म्हणजे ३ सप्टेंबर रोजी मंगळवारी त्यांच्या मुलाच्या जन्माची घोषणा केली.
ही आनंदाची बातमी देणाऱ्या पोस्टमध्ये त्यांनी लिहिले की, “बिस्मिल्लाह हिर रहमान निर रहीम झेहान १ सप्टेंबर २०२५ रोजी जन्मलेल्या आपल्या नवीन बाळ भावाबरोबर आपले राज्य शेअर करण्यास खूप आनंदित आहे. आमच्या कुटुंबासाठी प्रत्येकाचे सतत प्रेम आणि आशीर्वाद मिळावे अशी शुभेच्छा. जैद आणि गौहर”. जेहानच्या धाकट्या भावाचा जन्म १ सप्टेंबर २०२५ रोजी झाला. सर्वांनी आमच्या बाळाला प्रेम व आशीर्वाद द्यावे असं गौहरने शेअर केलेल्या पोस्टमध्ये लिहिलं आहे.
आणखी वाचा – सासऱ्यांचीही लाडकी होती प्रिया मराठे, अभिनेत्रीच्या निधनानंतर ‘ती’ पोस्ट होतेय व्हायरल, कसा होता बॉण्ड?
जोडप्याच्या या पोस्टनंतर, चाहते त्यांचे खूप अभिनंदन करीत आहेत. सर्व सेलिब्रिटीज पालक झाल्याबद्दल गौहर आणि जैद यांचे अभिनंदन करीत आहेत. गायक नीती मोहन यांनी लिहिले, “ओएमजी! ही बातमी ऐकून आम्हाला खूप आनंद झाला. तुमचे आणि विशेषत: झेहानचे अभिनंदन”. चाहत्यांनी आणि इंडस्ट्रीतील जवळच्या लोकांनी कमेंट्समध्ये तिच्यावर प्रेमाचा वर्षाव केला आहे, अदिती गोवित्रीकर, अमित टंडन, दिया मिर्झा, सौंदर्या शर्मा यांनी गौहरच्या पोस्टवर कमेंट करुन तिचं व जैदचं अभिनंदन केलं आहे.
आणखी वाचा – उमेश कामतचा नव्या घरातील पहिला गणेशोत्सव, प्रिया मोदक करताना दिसली स्वयंपाकघराची झलक, हॉलही आहे प्रशस्त
गौहर आणि जैद दरबार यांनी सन २०२० मध्ये लग्न केले. लग्नाच्या तीन वर्षानंतर, सन २०२३ मध्ये या जोडीने त्यांचा मोठा मुलगा झेहानचे स्वागत केले. आता हे जोडपे दुसर्या मुलाचे पालक झाले आहेत.
