‘झी मराठी’ वाहिनीवरील ‘दार उघड बये’ ही मालिका अल्पावधीत प्रेक्षकांच्या पसंतीस उतरली होती. गावातील प्रतिष्ठित व्यक्तीचा विरोध असूनही संबळवादक मुक्ताचा संघर्ष प्रेक्षकांना प्रचंड आवडली. शिवाय, मुक्ता-सारंगची जोडी आणि मालिकेतील अन्य पात्रांना भरभरून प्रेम मिळालं. मात्र, आता ही लोकप्रिय मालिका लवकरच प्रेक्षकांचा निरोप घेणार आहे. (Daar Ughad Baye goes Off-Air)
गेल्यावर्षी सप्टेंबरला सुरू झालेल्या या मालिकेचे आतापर्यंत ३०० हून अधिक भाग झाले. पण आता मालिका शेवटच्या टप्प्यात येऊन पोहोचली असल्यामुळे लवकरच ‘दार उघड बये’ प्रेक्षकांचा निरोप घेणार आहे. ऑक्टोबरच्या पहिल्याच आठवड्यात मालिकेचा शेवटचा भाग प्रसारित होणार असल्याचे बोललं जात आहे.
दरम्यान, मालिकेत मुक्ता ही प्रमुख भूमिका साकारणारी अभिनेत्री सानिया चौधरीने सोशल मीडियावर एक व्हिडिओ शेअर केला. या व्हिडिओत ती मालिकेतील शेवटच्या दिवसाच्या शूटिंगचे काही क्षण चाहत्यांबरोबर शेअर केले. या व्हिडीओमध्ये मुक्ता व मालिकेतील अन्य कलाकार सीन्स शूट करण्याबरोबरच सेटवर मज्जा-मस्ती करताना दिसत आहेत.
हे देखील वाचा – “मृतदेह आमच्या गाडीमधून त्यांनी…”, वडिलांबाबत अश्विनी महांगडेची अंगावर काटा आणणारी पोस्ट, म्हणाली, “त्यांनी मेलेल्या माणसाला…”
हा व्हिडीओ शेअर करताना सानिया म्हणाली, “प्रेम, आनंद आणि काही अविस्मरणीय आठवणींनी भरलेलं हे वर्ष! मी मालिकेचे आणि ऑफस्क्रीन कुटुंबाचे मनापासून आभार मानते.”, असं म्हणत तिने शूटच्या शेवटच्या दिवसाचे काही क्षण तिच्या चाहत्यांसह शेअर केले.
हे देखील वाचा – ‘या’ सुप्रसिद्ध अभिनेत्याला डेट करत आहे ‘सातव्या मुलीची सातवी मुलगी’मधील नेत्रा?, ‘त्या’ फोटोंनी वेधलं लक्ष
‘दार उघड बये’ मालिकेत सानिया चौधरीसह रोशन विचारे, शरद पोंक्षे, किशोरी आंबिये, भाग्यश्री दळवी आदींनी महत्वाची भूमिका साकारली आहे. आता ही मालिका प्रेक्षकांचा निरोप घेणार असून त्याजागी कोणती मालिका येणार, हे पाहणे औत्सुक्याचे ठरणार आहे.
