Shefali Jariwala Death : ‘कांटा लगा’ या गाण्याने देशभर आपली छाप पाडणारी अभिनेत्री शेफाली जरीवाला आता आपल्यात नाही. २७ जूनच्या रात्री तिचा मृत्यू झाला. तिच्या मृत्यूचे कारण अद्याप स्पष्ट झाले नाही कारण पोलिसांनी पोस्टमॉर्टम रिपोर्ट रिझर्व ठेवले आहे. परंतु हे निश्चितपणे सांगितले जाते की तिचा बीपी कमी होता आणि यामुळे हे घडले. अभिनेत्रीच्या अचानक जाण्याने सिनेविश्वावर शोककळा पसरली. याचबरोबर शेफालीच्या निधनाने पती पराग त्यागीही पूर्णता खचला. कलाविश्वातून अनेक कलाकार मंडळी अभिनेत्रीच्या अंतिम संस्काराला उपस्थित होते. यानंतर आता शेफालीची मैत्रीण पूजा घई हिने अभिनेत्रीच्या मृत्यूबद्दल काही खुलासा केला आहे.
पूजा घई यांनी पत्रकार विक्की लालवानी यांना दिलेल्या मुलाखतीत सांगितले की, रात्री शेफाली जरीवालाचा मृत्यू झाला आणि पराग त्यागी यावेळी कुठे होता याबाबत तिने भाष्य केलं. तिने २७ जूनच्या रात्रीचा उल्लेख करत म्हटलं की, “त्याचे कुटुंब आणि मला जितपत समजले आहे त्यावरुन घरी सत्यनारायण पूजा केली गेली होती. जेव्हा शेफलीवर अंत्यसंस्कार करायचे होते त्यादिवशी आम्हाला घरात प्रवेश करण्याची परवानगी मिळाली. त्यावेळी असं पाहायला मिळालं की पूजेसाठी घर सजवले गेले होते. सत्यानारायण पूजेसाठी तयारी केली गेली होती”.
पूजाने पुढे स्पष्ट केले की रात्री, शेफालीने नेहमीप्रमाणेच तिचे जेवण केले आणि परागला सिम्बाला फिरवण्यास सांगितले, पराग खाली येताच शेफालीने त्याला बोलावून घेतले. घराच्या सहाय्यकांनी तिच्या नवऱ्याला सांगितले की, दीदीची तब्येत ठीक नाही. तेव्हा पराग मदतनीसला म्हणाला, ठीक आहे तुम्ही सिम्बाला फिरवायला खाली या, मी शेफालीकडे जातो.
पूजा घई पुढे म्हणाली की, त्यानंतर जे काही घडले त्याबद्दल प्रत्येकाला आश्चर्य वाटले. पराग लिफ्ट खाली येण्याची प्रतीक्षा करु लागला आणि मदतनीस खाली आली आणि त्याने सिम्बाला तिच्याकडे दिलं आणि तो वर गेला. परागने शेफालीला पाहिले आणि तिची नाडी तपासली तर नाडी सुरु होती. मात्र ती तिचे डोळे उघडत नव्हती आणि तिचे शरीर सुन्न झाले. परागच्या त्वरित लक्षात आले की काहीतरी चुकीचं आहे. त्याने ताबडतोब तिला रुग्णालयात नेले. पण तिला बेल्लेव्यू येथे आणण्यापूर्वी ती आधीच मरण पावली होती”.
