Vaishnavi Hagawane death : पुण्यातील मुळशी तालुक्यातील वैष्णवी हगवणे आत्महत्या प्रकरणाने सध्या एक वेगळंच वळण घेतलं आहे. या प्रकरणात वैष्णवीच आरोपी असल्याचा दावा हगवणेंच्या वकिलांनी केला आहे. ज्याने सर्वत्र खळबळ उडाली आहे. नेमकं प्रकरण काय असा प्रश्न आता उपस्थित केला जात असून वैष्णवी आत्महत्या प्रकरणाची दिशाभूल करण्यात आल्याचंही बोललं जात आहे. दरम्यान, वैष्णवी हगवणे आत्महत्या प्रकरणात आरोपी हगवणे कुटुंबाला पोलीस कोठडी ठोठावण्यात आली आहे. पती शशांक हगवणे, सासरे राजेंद्र हगवणे, सासू लता हगवणे, नणंद करिष्मा हगवणे, दीर सुशील हगवणे यांची पोलीस कोठडी वाढवण्याची मागणी न्यायालयासमोर करण्यात आली. आता हे प्रकरण न्यायालयात पोहचलं आहे.
आत्महत्या केलेल्या वैष्णवी विरोधात राजेंद्र हगवणेंच्या वकिलांनी आरोप-प्रत्यारोप केल्याचं समोर आलं आहे. अमानुषपणे मारहाण करणाऱ्या, छळ करणाऱ्या हगवणे परिवाराच्या बचावासाठी कोर्टात त्यांच्या वकिलांनी वैष्णवीच्या चारित्र्यावर शिंतोडे देखील उडवले. वैष्णवी नको त्या व्यक्तीबरोबर चॅट करायची असा दावा हगवणेंच्या वकिलांनी केला. सध्या वैष्णवी हगवणे हे प्रकरण आता वेगळंच वळण घेताना दिसत आहे. या प्रकरणात दिशाभूल करण्याचा प्रयत्न हा हगवणेंच्या वकिलांकडून केला जात आहे.
आणखी वाचा – वैष्णवीचे नको ते चॅट हाती, चारित्र्यावर शंका आणि…; हगवणेंच्या वकिलाचा कोर्टात युक्तिवाद, नेमकं सत्य काय?
वैष्णवीच्या आत्महत्या प्रकरणी हगवणेंचा बचाव करणाऱ्या वकीलांनी कोर्टात युक्तिवाद करताना म्हटलं की, वैष्णवी नको त्या व्यक्तीबरोबर चॅट करायची. तिचे हे चॅट हगवणेंनी पकडले होते. त्या व्यक्तीने नकार दिल्यानेच वैष्णवीने आत्महत्या केली. वैष्णवीने १६ तारखेला आत्महत्या केली आणि १८ तारखेला त्या मुलाचा साखरपुडा झाला. यादरम्यान, ती त्याला सतत कॉल करत होती. तपास अधिकाऱ्याला त्या व्यक्तीचे नाव देण्यात आले आहे, असा दावा देखील वकिलांनी न्यायालयात केला आहे. तर याउलट, वैष्णवीच्या माहेरच्यांनी म्हणजे कस्पटे कुटुंबांनी हे आरोप चुकीचे असल्याचं माध्यमांसमोर म्हटलं आहे.
आणखी वाचा – पायलट भाचीकडून स्पेशल Announcement, पद्मश्री अशोक सराफ यांचे विमानप्रवासात कौतुक, म्हणाली, “आजचा प्रवास…”
शिवाय, हगवणेंच्या बाजूने असणाऱ्या वालिकांनी कोर्टात असाही दावा केला की, “वैष्णवीची प्रवृत्ती ही आत्महत्या करण्याचीच होती. ती ज्या व्यक्तींबरोबर चॅट करायची त्याने नकार दिला म्हणून वैष्णवीने आत्महत्या केली. शिवाय वैष्णवीचे हे चॅट तिच्या नवऱ्याच्या हातीही लागले. यावरुन त्यांच्यात वाद सुरु होता. वैष्णवीने आत्महत्या केल्याच्या दोन दिवसांनी त्या तरुणाचा साखरपुडा झाला, त्यामुळे ती व्यक्ती नेमकी कोण आहे?, त्याच्याशी तिचे नेमके काय संबंध होते?, हे तपासण्याची विनंती हगवणेंच्या वकिलांकडून करण्यात आली आहे.
