Kriti Sanon Javed Jaffrey Building : कृति सेनन, जावेद जाफरी आणि क्रिकेटर केएल राहुल तसेच अभिनेत्री अथिया शेट्टी ही कलाकार मंडळी ज्या इमारतीत राहतात त्यात एका अज्ञात व्यक्तीने जबरदस्तीने प्रवेश केला असल्याचं समोर आलं. अज्ञात व्यक्तीने एखाद्या इमारतीत जबरदस्तीने प्रवेश करण्याची ही काही पहिली वेळ नाही. अशातच बॉलिवूड कलाकार ज्या इमारतीत राहतात त्यात अज्ञात व्यक्तीने प्रवेश केला आणि लिफ्टची तोडफोड केली. तिने कॅमेराकडे पाहत अश्लील हावभाव देखील केले. या घटनेबद्दल तक्रार केली गेली आहे. इमारतीच्या सुरक्षा व्यवस्थापक उमेश सारटे यांनी खार पोलिस स्टेशनमध्ये या प्रकारानवरुन तक्रार केली आहे.
अहवालानुसार इमारतीत प्रवेश करणारी अज्ञात व्यक्ती ओळखली गेली आहे. सध्या या व्यक्तीला रुग्णालयात दाखल केले आहे. एनडीटीव्हीच्या अहवालानुसार, पाली हिलच्या पॉश भागात असलेली हाय प्रोफाइल इमारत ‘संधू पॅलेस’ येथे काल रात्री उशिरा एक माणूस गाडीतून आला. त्याने सुरक्षा रक्षकाला १७ व्या मजल्यावर जाण्यास सांगितले. त्या मजल्याच्या मालकाने रक्षकांना भेटायला येणाऱ्या कोणत्याही व्यक्तीस न पाठविण्यास सांगितले. अशा परिस्थितीत या व्यक्तीने इमारतीत प्रवेश केला. त्या माणसाने तळघरात गाडी पार्क केली आणि तो इमारतीच्या वॉशरूममध्ये गेला.
मग आणखी एका गार्डला १४ व्या मजल्यावर जाण्यास सांगितले. जेव्हा गार्डने त्या मजल्याच्या मालकाला कॉल केला तेव्हा कोणीही कॉल उचलला नाही. मग त्याने १७ व्या मजल्यावर परत जाण्यास सांगितले. संशयावरुन, त्या माणसाला इमारतीच्या बाहेर काढण्यात आले. यानंतर, दुसर्या दिवशी सकाळी लिफ्ट बंद झाल्यानंतर जेव्हा ती उघडली गेली तेव्हा त्यात मोठा दगड ठेवल्याचे निदर्शनास आले.
आणखी वाचा – देशभरातील नव्या दमाच्या स्क्रीनरायटर्ससाठी ‘झी रायटर्स रूम’ची मोठी संधी, कंटेंटविश्वाचा चेहरा घडणार आणि…
या प्रकरणाचा तपस घेताना जेव्हा सीसीटीव्ही फुटेज चेक करण्यात आले तेव्हा लिफ्टची तोडफोड केल्यावर ती व्यक्ती कॅमेराकडे पहात अश्लील हावभाव करीत असल्याचं दिसलं. या इमारतीत, जावेद जाफरीचा एक विलासी फ्लॅट आहे, ज्यामध्ये फराह खान तिच्या युट्युब चॅनेलच्या शूटसाठी गेली होती. त्याने एक व्हीलॉग तयार केला आणि घराचा कोपरा त्यात दाखविला होता.
