Hrishikesh Shelar Wife Shared Special Post : ‘झी मराठी’ वाहिनीवरील ‘तुला शिकवीन चांगलाच धडा’ या मालिकेला प्रेक्षकवर्गाने भरभरुन प्रतिसाद दिलेला पाहायला मिळाला. ही मालिका फार कमी वेळातच रसिकांच्या पसंतीस आली. या मालिकेतील अक्षरा-अधिपती या जोडीला तर प्रेक्षकांनी अक्षरशः डोक्यावर उचलून धरलं. मालिकेत अधिपती ही भूमिका हृषीकेश शेलार याने साकारली आहे. सध्या या मालिकेने प्रेक्षकांचा निरोप घेतला असला तरी ही मालिका आजही रसिकांच्या मनात घर करून आहे. विशेषतः मालिकेतील अधिराजला त्याचे चाहते मिस करत आहेत. सोशल मीडियाच्या माध्यमातून हृषीकेश नेहमीच संपर्कात राहत असतो. अशातच हृषीकेशची एक वैयक्तिक पोस्ट सध्या साऱ्यांचं लक्ष वेधून घेत आहे.
अभिनेता व्यावसायिक नाही तर त्याच्या वैयक्तिक आयुष्यामुळे चर्चेत आला आहे. हृषीकेशच्या लग्नाला आज आठ वर्ष पूर्ण झाली आहेत. आणि लग्नाच्या वाढदिवसानिमित्त हृषीकेशने खास पोस्ट शेअर करत साऱ्यांचं लक्ष वेधलं आहे. अभिनेत्याच्या पत्नीने स्रेहाने दिलेले कॅप्शन लक्ष वेधून घेत आहे. स्नेहाने हृषिकेशला उद्देशून लिहिले, “आपल्या या प्रवासाला ८ वर्षे झाली. आपण आजच्या युगातले आहोत. पण, तरीही स्वभावाने ९०च्या काळात रमतो. ७० आणि ८० च्या दशकातील गाणी आपल्याला फार जवळची वाटतात. ब्लॅक अँड व्हाईट गाण्यांबरोबर असंच रंगीबेरंगी आयुष्य जगूया”.
पुढे तिने लिहिलं आहे की, “आता तर आपलं आयुष्य रुहीच्या अवतीभोवती फिरतंय. अशीच एकमेकांना साथ देत, प्रोत्साहन देत हे सुंदर आयुष्य एकमेकांसमवेत घालवूयात. लव्ह यू, लग्नाच्या वाढदिवसाच्या शुभेच्छा.” स्नेहाच्या या पोस्टवर अभिनेत्री शिवानी रांगोळेने कमेंट करीत शुभेच्छा दिल्या आहेत. तर हृषिकेशनेदेखील स्नेहाबरोबरचे काही फोटो शेअर करत एकमेकांबरोबरची ८ वर्षे असे कॅप्शन दिले आहे.
आणखी वाचा – नणंदेकडून तितीक्षा तावडेला खास सरप्राइज, गिफ्ट पाहून भारावली अभिनेत्री, खास व्हिडीओ समोर
हृषिकेशची पत्नी स्नेहा ही देखील एक उत्तम अभिनेत्री आहे. दोघांच्या लग्नाचीही बरीच चर्चा सोशल मीडियावर रंगलेली पाहायला मिळाली. दोघांनी अत्यंत साधेपणाने लग्नसोहळा उरकला. पारंपरिक अंदाजात ही जोडी विवाहबंधनात अडकली. हृषिकेश व स्नेहा यांच्या लग्नाची चर्चाही रंगलेली पाहायला मिळाली. स्नेहा काटे ही अभिनयाच्या माध्यमातून रसिकांच्या मनावर अधिराज्य गाजवत असतानाच अभिनेता हृषीकेश शेलारसह लग्नबंधनात अडकली.
