Sakav marathi web series : बाप-लेक अशा दोन किनाऱ्यांना जोडायला साकव हवा होता आणि लवकरच तो प्रेक्षकांच्या भेटीस येण्यास सज्जही झाला आहे. हो. साकव या वेबसीरिजचा टिझर पाहूनच उत्सुकता वाढली होती. पण नुकत्याच समोर आलेल्या ट्रेलरने ही उत्सुकता अधिक ताणली आहे. कारण बाप लेकाची अनोखी कथा असलेली ही वेबसीरिज अर्थात मनाला भिडणारी आहे. कोकणात शूट झालेल्या या वेबसीरिजची झलक या ट्रेलरमध्ये पाहायला मिळत आहे. संवाद ऐकून तर कान तृप्त झाले आणि पहिला भाग कधी येणार याची उत्सुकता वाढली.
समोर आलेल्या ट्रेलरमधील हळुवार आवाजात लागणार बॅकग्राउंड म्युझिक, कलाकारांचे अभिनय अर्थात मनाला स्पर्शून जात आहेत. अभिनेते दिगंबर नाईक अभिनेत्री अस्मिता खतखते ‘गाव गाता गजाली’नंतर पुन्हा एकदा एकत्र दिसणार आहेत याने ही उत्सुकता द्विगुणित केली. दोघांची मालवणी भाषेवर असलेली पकड आणि अभिनयाची गुर्मी या ट्रेलरमध्ये अधिक भर घालत आहे. बाप आणि लेक त्यांची कर्तव्य जपण्यात इतके व्यस्त असतात की, त्यांचं त्यांचं जगायचं राहून जात अशी काहीशी भावना यामधून झाली.
आणखी वाचा – भर कार्यक्रमात सुप्रसिद्ध अभिनेत्रीने दिली गुडन्यूज, लवकरच होणार आई, दुसऱ्यांदा लग्न आणि…
वडिलांच्या इच्छा, अपेक्षा पूर्ण करण्यासाठी मुलाची धडपडही या ट्रेलरमध्ये दिसली. त्यामुळे या दोघांचं नातं नेमकं कसं आहे हे पाहण्याची उत्सुकता आहे. ‘इट्स मज्जा ओरिजनल’ आणि ‘मीडिया वन सोल्युशन्स’ प्रस्तुत ही ‘साकव’ वेबसीरिज आहे. ‘इट्स मज्जा ओरिजनल’ने आजवर ‘आठवी-अ’, ‘दहावी-अ’, ‘मैत्रीचा सातबारा’, ‘पाऊस’, ‘पाऊस २’ या अनेक आशयाच्या वेबसीरिज प्रेक्षकांच्या भेटीस आणल्या. आणि त्यांनी ‘अकरावी’ या वेबसीरिजची घोषणा केली यासाठीही प्रेक्षकवर्ग उत्सुक आहेत. आणि यांत भर घालत आता एका अनोख्या आणि अतिशय महत्त्वाच्या नात्यावर भाष्य करणारी ‘साकव’ ही वेबसीरिज त्यांनी आणली आहे.
आणखी वाचा – व्हीलचेअरवरून स्टेजवर पोहोचली, गंभीर आजार आणि…; सुप्रसिद्ध गायिकेला पाहताच कलाविश्वात खळबळ
निर्माते सौरिंद्र नाथ दत्ता यांची निर्मिती असलेली ही ‘साकव’ ही वेबसीरिज असून नितीन वाडेवाले यांनी या सीरिजच्या दिग्दर्शनाची जबाबदारी सांभाळली आहे. तर सीरिजचे लेखन नितीन पवार यांनी केले आहे. आणि प्रॉडक्शन व क्रिएटिव्ह हेड म्हणून अंकिता अशोक प्रतिभा लोखंडे यांनी संभाळली आहे. कोकणात शूट झालेल्या या वेबसीरिजमध्ये कोणते कलाकार असणार हे गुलदस्त्यात असल्याने वेबसीरिज कधी येणार याची उत्सुकता लागून राहिली आहे.
