सिनेसृष्टीत सध्या लगीनघाई सुरु असताना मालिका विश्वातील एक लोकप्रिय अभिनेत्री लग्नबंधनात अडकली आहे. ‘सातव्या मुलीची सातवी मुलगी’ या मालिकेतील अभिनेत्री तितीक्षा तावडे हिने अभिनेता सिद्धार्थ बोडकेसह लग्नगाठ बांधली आहे. सिद्धार्थ व तितीक्षा यांचा शाही विवाहसोहळा संपन्न झाला असून त्यांच्या लग्न सोहळ्यातील खास क्षण त्यांनी सोशल मीडियावरुन चाहत्यांसह शेअर देखील केले आहेत. कुटुंबीय व कलाकार मंडळींच्या उपस्थितीत त्यांचा अगदी थाटामाटात लग्नसोहळा संपन्न झाला. (Titeeksha Tawde Siddharth Bodke Wedding)
तितीक्षा व सिद्धार्थच्या लग्नातील लूकने साऱ्यांचं लक्ष वेधून घेतलं होतं. अशातच सिद्धार्थ व तितीक्षा यांनी सोशल मीडियावरुन शेअर केलेल्या लग्नातील खास क्षणांचा एक व्हिडीओ साऱ्यांच लक्ष वेधून घेत आहे. या व्हिडीओमध्ये लग्नाच्या तसेच हळदी व साखरपुड्यातील दिवसाची धामधूम पाहायला मिळत आहे. लग्न लागतानाचे काही खास क्षण, तसेच वरमाला घालतानाचे खास क्षण आणि मंगळसूत्र घालतानाचे काही खास विधी या व्हिडीओमध्ये पाहायला मिळत आहेत. तसेच सिद्धार्थ व तितीक्षा यांचा रोमँटिक अंदाजदेखील विशेष भावला.
दोघांच्या चेहऱ्यावर प्रचंड आनंद पाहायला मिळत आहे. गेली बरीच वर्ष तितीक्षा व सिद्धार्थ बऱ्याच वर्षांपासून एकमेकांना डेट करत होती. अखेर या दोघांनी लग्न करत त्यांच्या आयुष्यातील एक पाऊल पुढे टाकलं आहे. लगीनगाठ बांधली आहे. व्हिडीओमध्ये सिद्धार्थ असं बोलतानाही दिसत आहे की, “अखेर तो दिवस आला, माझं माझ्या बेस्ट फ्रेंडशी लग्न होतं आहे ही खूप मोठी आनंदाची गोष्ट आहे”. व्हिडीओमधुन तितिक्षा व सिद्धार्थ यांचं अनोखं बॉण्डिंग साऱ्यांच्या पसंतीस पडत आहे.
समोर आलेल्या व्हिडीओमध्ये सिद्धार्थ व तितिक्षा यांच्या मित्रमंडळींचे धमाल-मस्ती करतानाचे काही खास क्षण देखील टिपले गेले आहेत. मित्रमंडळांची ही मस्ती पाहून सिद्धार्थ शेवटी असेही म्हणाला की, “आयुष्यात काय कमावलं तर हे असे मित्र”. तितीक्षा व सिद्धार्थचा हा रोमँटिक व्हिडीओ सध्या साऱ्यांच्या पसंतीस उतरला आहे. या व्हिडीओवर अनेकांनी कमेंट करत दोघांचं कौतुक केलं आहे व अभिनंदनाचा वर्षाव देखील केला आहे.