‘झी मराठी’ वाहिनीवरील ‘सातव्या मुलीची सातवी मुलगी’ ही मालिका सध्या लोकप्रियतेच्या शिखरावर आहे. या मालिकेतील कलाकार मंडळींनी त्यांच्या उत्तम अभिनयाने रसिक प्रेक्षकांच्या मनावर राज्य केलं आहे. मालिकेतील नेत्रा व अद्वैतच्या जोडीला तर प्रेक्षकांनी अक्षरशः डोक्यावर उचलून धरलं. या मालिकेतील अद्वैत म्हणजे अभिनेता अजिंक्य ननावरे काही दिवसांपूर्वी लग्नबंधनात अडकला. अभिनेत्री शिवानी सुर्वेबरोबर अजिंक्यने लग्न केलं. त्यानंतर आता ‘सातव्या मुलीची सातवी मुलगी’ या मालिकेतील नेत्रा लवकरच बोहल्यावर चढणार आहे. (Titeeksha Tawde Siddharth Bodke Wedding Update)
मालिकेतील नेत्रा म्हणजेच अभिनेत्री तितीक्षा तावडे लवकरच लग्नबंधनात अडकणार आहे. तितीक्षा अभिनेता सिद्धार्थ बोडकेसह लग्नबंधनात अडकणार आहे. त्यांच्या साखरपुडा सोहळ्याचे अनेक फोटो, व्हिडीओ व्हायरल झाले आहेत. आज तितीक्षा व सिद्धार्थचा लग्नसोहळा उरकणार आहे. त्यांच्या लग्नसोहळ्याचा मंडपही सजलेला पाहायला मिळत आहे. अखेर आज ही जोडी लग्नबंधनात अडकणार आहे. त्यांच्या लग्नासाठी कलाकार मंडळीही सज्ज झाले असल्याचं पाहायला मिळत आहे.
अभिनेत्री ऐश्वर्या नारकर यांनी त्यांच्या इंस्टाग्राम अकाऊंटवरुन एक व्हिडीओ पोस्ट केला आहे. ऐश्वर्या नारकर या ‘सातव्या मुलीची सातवी मुलगी’ मालिकेत तितीक्षासह मुख्य भूमिकेत पाहायला मिळत आहेत. ऐश्वर्या त्यांच्या सहकलाकाराच्या लग्नाला निघालेल्या पाहायला मिळत आहेत. ‘खूप मोठा दिवस’, असं कॅप्शन देत त्यांनी लग्नाला जातानाचा व्हिडीओ शेअर केला आहे. या व्हिडीओमध्ये त्यांच्यासह सुरुची अडारकर, एकता डांगरही पाहायला मिळत आहेत.
ऐश्वर्या, सुरुची व एकता यांचा धमाल डान्स करतानाचा व्हिडीओ त्यांनी सोशल मीडियावरुन शेअर केला आहे. तितीक्षा व सिद्धार्थच्या लग्नासाठी कलाकार मंडळींसह त्यांचे चाहतेही उत्सुक आहेत. दोघेही त्यांच्या सोशल मीडिया अकाऊंटवरुन त्यांच्या हळदी, साखरपुडा समारंभातील अनेक फोटो, व्हिडीओ शेअर करताना दिसत आहेत. दरम्यान, साखरपुड्यासाठी तितीक्षा व सिद्धार्थने खास लूक केला होता. अभिनेत्रीने फिकट जांभळ्या रंगाची डिझाइनर साडी नेसली होती. तर, अभिनेत्याने ऑफ व्हाइट रंगाची शेरवानी परिधान केली होती.