दिग्दर्शक विवेक अग्निहोत्री यांचा बहुचर्चित व तितकाच वादग्रस्त ‘द काश्मीर फाईल्स’ सिनेमा गेल्यावर्षी देशभरात रिलीज झाला. अवघ्या कमी बजेटमध्ये बनलेल्या या सिनेमाने बॉक्स ऑफिसवर ३०० कोटींची कमाई करत कोरोनानंतर अशी कामगिरी करणारा पहिला हिंदी सिनेमा ठरला. या सिनेमाची बरीच चर्चा रंगली, अनेक वाद झाले, पण काहींनी या सिनेमाचे कौतुक केले होते. (the kashmir files)
विवेक अग्निहोत्री दिग्दर्शित ‘काश्मीर फाईल्स’ सिनेमात अनुपम खेर, मिथुन चक्रवर्ती, पल्लवी जोशी आणि दर्शन कुमार महत्त्वाच्या भूमिकेत दिसले असून आता सिनेमाच्या दिग्दर्शकांनी ट्विटरवर सिनेमाच्या पुढचा भाग येणार असल्याची घोषणा केली. ‘काश्मीर अनरिपोर्टेड’ असे याचे नाव असून तो डॉक्युमेंट्रीच्या रूपात ओटीटी प्लॅटफॉर्म्सवर रिलीज होणार आहे. त्याचा टीझरही रिलीज झाला असून ज्यामध्ये खऱ्या पीडितांना आलेल्या अनुभवाचे कथन केले जाणार आहे. ही डॉक्युमेंट्री ‘काश्मिर फाईल्स’ची फॉलोअप स्टोरी असल्याचे सांगितले जात आहे.
पहा या डॉक्युमेंट्रीची एक छोटीशी झलक (kashmir files unreported)
PRESENTING:
— Vivek Ranjan Agnihotri (@vivekagnihotri) July 19, 2023
A lot of Genocide Deniers, terror supporters & enemies of Bharat questioned The Kashmir Files. Now bringing to you the VULGAR truth of Kashmir Genocide of Hindus which only a devil can question.
Coming soon #KashmirUNREPORTED. Be ready to cry.
Only on @ZEE5India… pic.twitter.com/DgGlnzSKwA
या सिनेमाची घोषणा करताना ज्यांनी या सिनेमावर टीका-टिप्पणी केली, त्यांनी या डॉक्युमेंट्रीतून काही बोध घेण्याचे ट्विट दिग्दर्शक विवेक अग्निहोत्री यांनी केलेलं आहे. ‘काश्मीर फाईल्स’ सिनेमात अनुपम खेर, मिथुन चक्रवर्ती, पल्लवी जोशी, दर्शन कुमार, पुनीत इस्सार, मृणाल कुलकर्णी, अतुल श्रीवास्तव आणि पृथ्वीराज सरनाईक यांनी मुख्य भूमिका साकारली होती.
विवेक अग्निहोत्री यांचा हा सिनेमा जेव्हा प्रदर्शित झाला, तेव्हा देशभरातून प्रचंड प्रतिसाद मिळाला होता. शिवाय तेवढ्याच प्रमाणात वादही झाला होता. सिनेमात काश्मिरी पंडितांचे स्थलांतर, त्यांना करावा लागलेला संघर्ष आणि त्यांच्या वाटेला आलेला अपमान याविषयीचे विदारक चित्रण करण्यात आले असून आता या डॉक्युमेंट्रीचे टीझर समोर आल्यानंतर प्रेक्षक याची आतुरतेने वाट पाहत आहे. (kashmir files unreported)