कलाकारांना त्यांच्या क्षेत्रात अनेक चांगले-वाईट अनुभव हे येतच असतात. यापैकी वाईट अनुभवच जास्त असतात. मात्र या अनुभवांमधून काहीना काही शिकत पुढे जातो तोच खरा कलाकार म्हणून मानला जातो. अशाच चांगल्या-वाईट अनुभवांमधून शिकत, सवरत आज अनेक प्रेक्षकांच्या मनावर राज्य करणारी सर्वांची लाडकी अभिनेत्री म्हणजे जुई गडकरी. स्टार प्रवाह वहिनीवरील ‘पुढचं पाऊल’ मालिकेद्वारे तिने मनोरंजन क्षेत्रात तिचं पहिलं पाऊल टाकलं. यानंतर अभिनेत्रीची या क्षेत्रातील घोडदौडही अजूनही चालूच आहे.
मात्र याच क्षेत्रात सुरुवातीला जुईला अनेक वाईट अनुभवांचा सामना करावा लागला. याबद्दल अभिनेत्रीने नुकत्याच दिलेल्या एका मुलाखतीत भाष्य केलं आहे. जुईने नुकतीच ‘कॉकटेल स्टुडिओ’ला मुलाखत दिली. यात तिला तिच्या तिच्या नकारात्मक अनुभवांविषयी विचारण्यात आले. याचे उत्तर देत तिने तिला असे खूप अनुभव आल्याचे सांगितले. तिला तिच्या उंची व आवाजावरुन अनेकदा बोलले गेले असल्याचेही सांगितले.
याबद्दल बोलताना जुई असं म्हणाली की, “मला माझ्या उंची व त्वचेच्या रंगावरुन अनेकदा बोलण्यात आले आहे. माझ्या आवाजावरुनही मला बोलण्यात आले आहे. माझा आवाज बारीक आहे, मला भसाड्या आवाजात बोलता येत नाही. मी लहानपणापासून गायन करत असल्यामुळे माझा आवाज तसा आहे. त्यामुळे मला आवाजावरुन बोललं गेलं आहे. मी जशी उभी राहते. त्यारुनही मला बोललं गेलं आहे. हिरोईन असे कपडे घालते का? हिरोईन इतकी फ्लॅट असते का? असं खूप काही बोललं गेलं आहे”.
यापुढे तिने असं म्हटलं आहे की, “आता मी खूप सहजरित्या या गोष्टी सांभाळते. आता कुणी काही बोलल्याने मला फरक पडत नाही. पण जेव्हा एक नवीन मुलगी या क्षेत्रात आलेली असते, तिला तिच्या तिच्या रंग व दिसण्यावरुन बोलता तेव्हा तिच्या मनावर याचा काय परिणाम होतो याचा कुणी कधीच विचार करत नाही आणि ही खूपच चुकीची गोष्ट आहे. इथे ही गोष्ट खूप प्रचलित आहे. मला काळी आली, काळी आली हिला कटर स्टँड म्हणून वापरा असंही बोललं गेलं आहे”.
आणखी वाचा – नेत्राच्या बाळाला मारण्याचा रुपालीचा पहिला प्रयत्न अयशस्वी, काय असेल विरोचकाची नवीन खेळी?
दरम्यान, यापुढे जुईने तिच्या रंगावरुन बोलण्यामुळे तिने गोरी होण्यासाठीही खूप भयानक प्रकार केला असल्याचे सांगितले. तसेच याचेही तिला खूप गंभीर परिणाम भोगावे लागले असल्याचे जुईने या मुलाखतीदरम्यान सांगितले.
