jui gadkari slams netizen : सध्याच्या काळात सोशल मीडियाच्या अतिवापरामुळे अनेक कलाकारांना ट्रोलिंगचा सामना करावा लागतो. अनेकदा नेटकरी कलाकारांच्या खासगी आयुष्याबाबत अयोग्य कमेंट्स करताना दिसतात. काही कलाकार अशा कमेंट्सकडे दुर्लक्ष करतात, तर काही कलाकार ट्रोलर्सना सडेतोड उत्तर देताना दिसतात. सोशल मीडियावर कलाकार मंडळी या ट्रोलिंगबाबत स्पष्टपणे व्यक्त होताना दिसतात. आजवर अनेक कलाकारांनी ट्रोलिंगबाबत संताप व्यक्त केला आहे. यापाठोपाठ आता ठरलं तर मगच्या जुई गडकरीलाही ट्रोल करण्याचा प्रयत्न केला आहे. अभिनेत्री जुई गडकरीलाही असाच काहीसा अनुभव आला आहे.
कायमच मालिकेत आणि खऱ्या आयुष्यात संयमी आणि शांत स्वभावासाठी ओळखली जाणारी जुई साधारणपणे कधीच रागावलेली दिसत नाही, पण चुकीच्या गोष्टींवर ती शांत न बसता आपली भूमिका स्पष्ट मांडताना दिसते. अलीकडेच जुईने नवरात्रीनिमित्त एक फोटोशूट केलं होतं आणि त्याचे फोटो तिने आपल्या सोशल मीडिया अकाउंटवर शेअर केले. हे फोटो पाहून एका नेटकऱ्याने तिला वैयक्तिक मेसेज केला. त्या मेसेजचा स्क्रीनशॉट जुईने स्वतःच आपल्या अकाउंटवर शेअर करत संताप व्यक्त केला.
त्या मेसेजमध्ये नेटकऱ्याने म्हटलं होतं “जुई लग्न कर… कोणीही असूदे पण कर. टीआरपी कमी आहे, तुमचं मार्केटिंग कमी पडलंय. मेकअप वेगळा, दिसणं वेगळं. मालिकेत मोठ्या असाल पण लग्न नाही, कुटुंब नाही, विचार करा…”, असा चुकीच्या अर्थी आणि खासगी संदेश तिला पाठवला. यावर प्रतिक्रिया देताना जुई म्हणाली “अशा माणसांची कीव येते. लवकर बरे व्हा. देव तुम्हाला सद्बुद्धी देवो. #sickpeople #sickmind”. जुईने स्क्रीनशॉट शेअर करत त्या संबंधित इसमाची चांगलीच कानउघडणी केली.
आणखी वाचा – दोन्ही पायांना पोलिओ, दुःख -संकटांचा सामना आणि…; वीणा जामकरची सुप्रसिद्ध दिग्दर्शकाची भावुक पोस्ट, म्हणाली…
सध्या जुई ठरलं तर मग मालिकेत सायली या भूमिकेमुळे चर्चेत आहे. गेले अडीच वर्ष ही मालिका टीआरपीच्या शर्यतीतही अव्वल स्थानावर असलेली पाहायला मिळाली. या मालिकेपूर्वी जुईने पुढचं पाऊल, सरस्वती, यांसारख्या अनेक मालिकांमध्ये काम केलं. मालिकाविश्वात जुई नेहमीच सक्रिय आहे. याशिवाय सोशल मीडियावरही ती बऱ्यापैकी सक्रिय असते.
