टेलिव्हिजनवरील ‘कौन बनेगा करोडपती’ हा एक लोकप्रिय कार्यक्रम आहे. गेली अनेक वर्ष हा कार्यक्रम प्रेक्षकांचे मनोरंजन करत आहे. अमिताभ बच्चन हे सूत्रसंचालक म्हणून समोर येत आहेत. आता या कार्यक्रमाचा १६ वा सीजन लवकरच प्रेक्षकांच्या भेटीला येणार आहे. या कार्यक्रमाचा प्रोमो समोर आला असून चाहत्यांमध्ये उत्साह दिसून येत आहे. याही वेळी अमिताभ सूत्रसंचलनाची धुरा सांभाळणार आहेत. त्यांचाच प्रोमो समोर आला असून यावेळी काय नवीन पहायला मिळणार याची उत्सुकता लागून राहिली आहे. (kaun banega crorepati season 16)
दरवर्षीप्रमाणे यावर्षीदेखील प्रेक्षक ‘कौन बनेगा करोडपती’ या कार्यक्रमाची लोक आतुरतेने वाट बघत होते. अशातच आता १६व्या सीजनची घोषणा करण्यात आली आहे. निर्मात्यांनी या कार्यक्रमाचे तीन प्रोमो शेअर केले आहेत. याआधीही अमिताभ यांनी सेटवरील काही फोटोही सोशल मीडियावर शेअर केले होते. तसेच या शोसाठी २६ एप्रिलपासून नोंदणी सुरु होणार असल्याचेही सांगितले आहे.
समोर आलेल्या प्रोमोमध्ये एका मुलीला आई ओरडत आहे. यामध्ये आई बोलत आहे की, “तुझ्यासारख्या डोंगर चढणाऱ्या मुलीबरोबर कोणता मुलगा लग्न करणार? त्यावर मुलगी बोलते की, माझ्याबरोबर असा मुलगा लग्न करेल ज्याचे विचार डोंगरापेक्षादेखील उच्च असतील. तेव्हा बिग बी समोर येतात आणि म्हणतात की, “आयुष्यात प्रत्येक ठिकाणी प्रश्न विचारले जातील तेव्हा उत्तर द्यावे लागेल”. नवीन पर्वाची प्रेक्षक आतुरतेने वाट बघत आहेत.
२००० साली हा कार्यक्रम सुरु झाला. या कार्यक्रमाच्या सूत्रसंचालनाची जबाबदारी अमिताभ बच्चन यांनी सांभाळली आहे. त्यांची प्रश्न विचारण्याची पद्धत, स्पर्धकांशी संवाद साधण्याची पद्धत तसेच त्यांची ऊर्जा यामुळे ते जगभरामध्ये अधिक लोकप्रिय आहेत. आता पुन्हा एकदा ते नव्या रुपात पाहायला मिळणार आहेत. २६ एप्रिल रोजी रात्री ९ वाजता या शोसाठी नोंदणी सुरु होणार आहे. त्यानंतर स्पर्धकांची निवड झाल्यानंतर टेलिव्हिजनवर प्रेक्षकांच्या भेटीला येणार आहे.