Divyanka Tripathi Baby Shower : अभिनेत्री दिव्यांका त्रिपाठी दहिया आणि तिचा पती विवेक दहिया यांनी सोशल मीडियावर आनंदाची बातमी दिली आहे. त्यांच्या कुटुंबात एका चिमुकल्याचं आगमन होणार असल्याची बातमी त्यांनी शेअर केली आणि सांगितले की दोघेही पालक होणार आहेत. तिच्या अधिकृत इंस्टाग्राम अकाऊंटवर ही माहिती शेअर करताना दिव्यांकाने लग्नाच्या दहा वर्षानंतर हा आनंद मिळाल्याचे म्हटले आहे. पोस्टमध्ये ती तिचा पती विवेक दहियासोबत दिसली, ज्यामध्ये ती ‘बेबी बंप’ फ्लॉन्ट करत होती. दुसऱ्या चित्रात जोडप्यांनी लहान शूज हातात धरलेले दिसले. दिव्यांकाने पोस्टमध्ये लिहिले की, १० वर्षांनंतर कथेत नवा ट्विस्ट आला आहे. काही प्रवास घाईघाईने करायचे नसतात, तर एकत्र तयारीसाठी असतात. आणि जेव्हा असे दिसते की कथा पूर्ण झाली आहे, तेव्हा जीवनात सर्वात सुंदर अध्याय जोडला जातो.
टीव्ही अभिनेत्रींपैकी एक मानली जाणारी दिव्यांका त्रिपाठी लग्नाच्या 10 वर्षांनंतर आई होणार आहे. अलीकडेच, अभिनेत्रीच्या बेबी शॉवरचे आयोजन करण्यात आले होते, ज्याचे फोटो व्हायरल होत आहेत. दिव्यांका त्रिपाठीची इशिता भल्ला स्टाईल बेबी शॉवरच्या चित्रांमध्ये दिसू शकते. या लूकमध्ये अभिनेत्रीला पाहून चाहते तिचे खूप कौतुक करत आहेत. दिव्यांका त्रिपाठी आणि विवेक दहिया यांनी काही दिवसांपूर्वीच ते पालक होणार असल्याची पुष्टी केली होती. दरम्यान, अभिनेत्रीच्या बेबी शॉवरच्या फोटोंनी सोशल मीडियावर खळबळ उडवून दिली आहे.
आणखी वाचा – जीवे मारण्याच्या धमक्या, ट्रोलिंग आणि वाद; रुचिता जामदारची न ऐकलेली बाजू, UNKNOWN FACTS
छायाचित्रांमध्ये दिव्यांका त्रिपाठी लाल रंगाच्या सूट-सलवारमध्ये दिसत आहे. यावेळी अभिनेत्रीने केसांत मोगऱ्याचा गजरा माळला आहे आणि डोहाळ जेवणातील रीतिरिवाज पार पाडले आहेत. त्याचवेळी विवेक दहिया देखील या क्षणाचा पुरेपूर आनंद घेताना दिसत आहे. व्हायरल होत असलेले हे फोटो पाहून असे दिसते की दिव्यांका आणि विवेकच्या खास मित्राने त्यांच्यासाठी हे सेलिब्रेशन आयोजित केले होते. या सेलिब्रेशनदरम्यान दिव्यांका आणि विवेक त्यांच्या मित्रांसोबत मस्तीच्या मूडमध्ये दिसले. हे जोडपे आता त्यांच्या चिमुकल्याच्या स्वागताची वाट पाहत आहेत.
आणखी वाचा – ‘The 50’ च्या ट्रॉफीवर शिव ठाकरेने कोरलं नाव, फैजल-कृष्णाला हरवलं, लकी विनरला मिळाले ५० लाख
दिव्यांका त्रिपाठीच्या बेबी शॉवरचे फोटो समोर येताच चाहत्यांनी तिच्यावर प्रेमाचा वर्षाव सुरु केला आहे. फोटोंमध्ये दिव्यांका तिच्या जवळच्या लोकांसोबत पोज देत आहे आणि खूप आनंदी दिसत आहे. या फोटोंमध्ये दिव्यांका त्रिपाठीच्या चेहऱ्यावर गर्भधारणेची स्पष्ट चमक दिसत आहे. दिव्यांकाच्या बेबी शॉवर केकचे फोटोही सोशल मीडियावर व्हायरल होत आहेत. केकवर अभिनंदन दिव एंड विव असे लिहिलेले आहे.
