टेलेव्हिजनवरील दीपिका कक्कर व शोएब ईब्राहिम ही प्रेक्षकांची लाडकी जोडी आहे. ‘ससुरल सिमर का’ या चित्रपटाच्या निमित्ताने दोघांची भेट झाली होती. या मालिकेमध्ये दोघंही मुख्य भूमिकेमध्ये दिसून आले होते. काही कालावधीनंतर दोघांनी एकमेकांबरोबर लग्न केले. त्यांना आता रुहान नावाचा मुलगाही आहे. त्यांच्या सांसारत ते खूप खुश आहेत. दोघांची चांगली बॉंडिंग प्रेक्षकांच्या समोर येत असते. दोघंही युट्यूबच्या माध्यामातून आपले खासगी आयुष्यातील काही खास प्रसंग त्यांच्या चाहत्यांबरोबर शेअर करत असतात. नुकताच दोघांचा एक व्हिडीओ सोशल मीडियावर चांगलाच व्हायरल होताना दिसत आहे. (shoaib ibrahim on dipika kakkar)
दीपिकाने तिच्या युट्यूब चॅनलवरुन एक व्हिडीओ शेअर केला. या व्हिडीओमध्ये शोएबने घरी उशिरा पोहोचल्याने दीपिकाने घराचा दरवाजा उघडला नसल्याचे सांगितले. त्यामुळे बाहेर पायऱ्यांवर बसून वाट बघावी लागल्याचे सांगितले. या व्हिडीओमध्ये तो म्हणतो की, “काल सोसायटीमध्ये इफ्तारी होती. मी तिथे गेलो होतो. त्यानंतर एका कामासाठी मी बाहेर निघून गेलो. तिथून येता येता जवळपास अडीच वाजले. मी शूट करु शकलो नाही त्यामुळे दीपिकाने दरवाजा उघडला नाही”.
पुढे शोएब म्हणतो की, “मी निक्कू बाहेर पायऱ्यांवर बसून होतो”. तेव्हा दीपिका म्हणाली, “हे असं पहिल्यांदा झालं आहे”. त्यावर शोएब म्हणतो की, “हे असं पहिल्यांदा झालं नाही. अनेकदा झालं आहे. मी अनेकदा दीपिकाला फोन करुन सांगतो की मी येत आहे. तोपर्यंत ही झोपून जाते. काल मी तिला खूप फोन केले. जवळपास २० मिस कॉल तिच्या फोनवर होते. हे बोलून दोघेही हसू लागतात”.
या व्हिडीओमध्ये ईदच्या तयारीची झलक दाखवली. शोएबची आई हातावर मेहंदी काढत आहे तर दीपिका रूहान व शोएबचे कपडे खरेद करताना दिसून येत आहे. शोएब व दीपिका हे संपूर्ण कुटुंबासह बसून रोजा सोडताना देखील दिसून आले. त्यांच्या या व्हिडीओला चाहत्यांनी खूप पसंती दर्शवली आहे.