छोट्या पडद्यावरील ‘भाभीजी घर पर है’ या विनोदी मालिकेला प्रेक्षकांनी तूफान प्रतिसाद दिला. या मालिकेतील सर्व पात्र प्रेक्षकांच्या पसंतीस उतरले होते. प्रत्येक भूमिका ही आजही प्रेक्षकांच्या खूप लक्षात आहे. त्यातील एक महत्त्वाचे पात्र म्हणजे ‘अनोखे लाल’. अभिनेता सानंद वर्माने ‘अनोखे लाल’ची भूमिका साकारली होती. त्यांच्या भूमिकेला प्रेक्षकांनी खूप प्रेम दिले. पण सगळ्यांना हसवणाऱ्या सानंदचे बालपण मात्र खूप कठीण होते. लहान असताना त्याचे लैंगिक शोषण झाल्याचा भयानक प्रसंग सांगितला आहे. आजही तो प्रसंग विसरला नसल्याचेही त्याने संगीतले. (saanand verma on sexual harassment)
‘टाइम्स नाऊ’ला दिलेल्या मुलाखतीमध्ये सानंदने आपल्या व्यावसायिक आयुष्याबरोबरच खासगी आयुष्यातील काही महत्त्वाचे खुलासे केले आहेत. त्याने आपल्या मुलाखतीमध्ये सांगितले की, “मी जेव्हा १३ वर्षाचा होतो तेव्हा मला क्रिकेटर व्हायचे होते. मी पटनामध्ये क्रिकेटसाठी प्रयत्न केला होता. आम्ही खूप गरीब होतो. पण माझ्या वडिलांनी पांढऱ्या रंगाची पॅंट, शर्ट व स्वस्त बॅटची सोय केली”.
पुढे तो म्हणाला की, “तिथे एक मोठा माणूस होता त्याने माझे लैंगिक शोषण करण्याचा प्रयत्न केला. त्यामुळे मी खूपच घाबरलो आणि तिथून पळून गेलो. त्यानंतर मी कधीही क्रिकेट खेळण्याचा विचार केला नाही. माझ्या आयुष्यातील तो सर्वात खराब अनुभव होता”.
पण त्याने सांगितले की अशा कही घटनांमुळेच मी खूप स्ट्रॉंग झालो. बाल लैंगिक शोषणाचा लहान मुलांच्या मनावर खूप वाईट परिणाम होतो. लहान मुलं या गोष्टी ते कितीही मोठे झाले तरीही विसरू शकणार नाहीत. पण जे लोक दु:ख सहन करतात ते अधिक मजबूत होतात. याबरोरच त्याने इंडस्ट्रीमधील कास्टिंग काऊचवर देखील भाष्य केले आहे. तो म्हणाला की, “मनोरंजन क्षेत्रात या गोष्टी होतात. पण माझ्या नशिबाने माझ्याबरोबर असे काही घडले नाही. काही लोकांनी माझ्याजवळ येऊन आपले भयानक अनुभव मला सांगितले आहेत. ते ऐकून असं वाटत की त्यांच्याबरोबर हे व्हायला नाही पाहिजे होते”.
