Pravina Deshpande death : बॉलिवूडमधून एक अत्यंत दु:खद बातमी समोर आली आहे. प्रसिद्ध अभिनेत्री प्रवीणा देशमुख यांचे निधन झाले आहे. ‘रेडी’ चित्रपटात त्यांनी सलमान खानच्या आईची भूमिका साकारली होती. अलीकडेच त्या इमरान हाश्मी स्टारर नीरज पांडेच्या ‘तस्करी’ या मालिकेतही दिसल्या होत्या. प्रवीणा देशपांडे बॉलीवूड तसंच मराठी चित्रपटसृष्टीतही खूप प्रसिद्ध होत्या. त्यांच्या निधनाने दोन्ही चित्रपटसृष्टीला मोठा धक्का बसला असून, शोककळा पसरली आहे. प्रवीणा यांनी १७ फेब्रुवारी रोजी वयाच्या ६० व्या वर्षी अखेरचा श्वास घेतला. त्या दीर्घकाळ कर्करोगाशी झुंज देत होत्या.
प्रवीणा देशपांडे यांच्या निधनाची बातमी त्यांच्या कुटुंबीयांनी सोशल मीडियावर एका पोस्टद्वारे दिली. दिवंगत अभिनेत्रीच्या इंस्टाग्राम अकाऊंटवर कुटुंबीयांनी लिहिले की, “अत्यंत दुःखाने आम्ही तुम्हाला कळवत आहोत की, श्रीमती प्रवीणा देशपांडे यांचे १७ फेब्रुवारी २०२६ रोजी निधन झाले. त्यांचे अंत्यसंस्कार १७ फेब्रुवारी रोजी दुपारी ३ वाजता हिंदू स्मशानभूमी, चकाला पारशीवाडा, अंधेरी पश्चिम येथे पार पडले. प्रवीणाच्या कुटुंबीयांची नावेही लिहिली आहेत. १७ फेब्रुवारीला प्रवीणा यांच्यावर मुंबईत अंत्यसंस्कार करण्यात आले.
आणखी वाचा – राखीने पुन्हा ‘बिग बॉस’ची प्रॉपर्टी तोडली; प्राजक्तावर पीठ फेकलं, खुर्ची पाडली अन्…; घरात मोठा राडा
प्रवीणा देशपांडे यांना मल्टिपल मायलोमा, जो ब्लड कॅन्सरचा एक प्रकार आहे, ज्याने त्या २०१९ पासून त्रस्त होत्या. याच काळात त्यांची प्रकृती खराब झाली होती. केमोथेरपीमुळे प्रवीणाच्या त्वचेवर पुरळ उठू लागले आणि तिच्या पाठीतही खूप दुखू लागले. त्यांचं बोन मॅरो ट्रान्सप्लांटही झालं. प्रवीणा देशपांडे यांनी २०२४ मध्ये ‘ईटाईम्स’ला सांगितले होते की, कर्करोगाचे निदान होण्यापूर्वी त्यांच्या त्वचेवर पुरळ उठू लागले होते, जे हळूहळू पसरत गेले. त्या म्हणाल्या होत्या, “याची सुरुवात त्वचेवर लहान पिंपल्सपासून झाली आणि नंतर हळूहळू पसरली. त्यानंतर २०२२ मध्ये, उपचारांच्या पहिल्या फेरीनंतर, मला तीव्र पाठदुखीचा अनुभव आला, ज्यामुळे मला असे वाटले की उपचार सुरु करण्याची वेळ आली आहे. मी सप्टेंबरमध्ये वेब सीरिजचे शूटिंग पूर्ण केले आणि त्याच महिन्यात मला केमोथेरपीसाठी हॉस्पिटलमध्ये दाखल करण्यात आले, त्यानंतर माझे बोन मॅरो ट्रान्सप्लांट झाले”.
आणखी वाचा – सलमान खानचे वडील रुगालयात दाखल; आयसीयूमध्ये उपचार सुरु असल्याची माहिती समोर; चाहत्यांत चिंतेचे वातावरण
प्रवीणा यांनी ‘रेडी’ व्यतिरिक्त अनेक चित्रपट आणि वेबसिरीज केल्या, त्यात ‘बॉम्बे टॉकीज’, ‘डी-डे’, ‘मान्सून शूटआउट’, ‘एक व्हिलन’, ‘क्रेझी कुक्कड फॅमिली’, ‘गब्बर इज बॅक’, ‘अलिगढ’ आणि ‘ब्लॅकमेल’ सारख्या नावांचा समावेश आहे. अलीकडेच त्या नीरज पांडेच्या ‘तस्करी’ या मालिकेत परदेशातून घड्याळांची तस्करी करणाऱ्या प्रवाशाच्या भूमिकेत दिसल्या होत्या. त्यांच्या भूमिकेची चांगलीच दखल घेतली गेली. याशिवाय प्रवीणा यांनी ‘द फॅमिली मॅन ३’ मध्ये मनोज बाजपेयींच्या आईची भूमिका साकारली होती. त्यावेळी केमोथेरपीमुळे त्यांचे केस गळले होते, त्यामुळे अभिनेत्रीने शूटिंगदरम्यान विग घातला होता.
