Sidharth Malhotra father death : अभिनेत्री प्रविणा देशपांडे यांच्या निधनानंतर आता बॉलिवूडमधून आणखी एक वाईट बातमी समोर आली आहे. सिद्धार्थ मल्होत्राचे वडील सुनील मल्होत्रा यांचे निधन झाले आहे. १७ फेब्रुवारीचा दिवस एकाच वेळी तीन वाईट बातम्या घेऊन आला आहे. एकीकडे सलमानचे वडील सलीम खान यांना आपत्कालीन परिस्थितीत रुग्णालयात दाखल करण्यात आले असतानाच दुसरीकडे ‘रेडी’ चित्रपटात सलमानच्या आईची भूमिका साकारणारी अभिनेत्री प्रवीणा देशपांडे यांचे निधन झाले. आणि त्याच दरम्यान सिद्धार्थ मल्होत्राच्या वडिलांच्या निधनाची बातमी आली. १३ फेब्रुवारीला सिद्धार्थच्या वडिलांचे निधन झाले, मात्र ही माहिती आता समोर आली आहे. दरम्यान, सिद्धार्थने वडिलांसाठी एक भावनिक पोस्टही लिहिली असून स्ट्रोकमुळे त्याचे वडील व्हीलचेअरवर असल्याचे सांगितले.
‘हिंदुस्तान टाईम्स’ने दिलेल्या वृत्तानुसार, वडील सुनील मल्होत्रा यांच्या निधनाची बातमी समजताच सिद्धार्थ आणि कियारा अडवाणी तात्काळ दिल्लीला रवाना झाले. कुटुंबाच्या जवळच्या सूत्रांनी सांगितले की, सुनील मल्होत्राचे अंतिम संस्कार झाले आहेत, परंतु सिद्धार्थ आणि कियारा आणखी काही दिवस दिल्लीत कुटुंबासोबत राहतील. वडिलांच्या निधनाने सिद्धार्थला मोठा धक्का बसला आहे. तो त्याच्या वडिलांच्या खूप जवळ होता. सूत्राने सांगितले की, सिद्धार्थने त्याच्या दु:खाबद्दल कोणालाही सांगितले नाही आणि तो एकटाच त्याच्या कुटुंबासोबत वडील गमावण्याच्या दु:खाशी झुंज देत आहे.
दरम्यान, सिद्धार्थने त्याच्या इंस्टाग्राम अकाउंटवर आपल्या वडिलांची आठवण करुन देणारी पोस्ट लिहिली आहे. त्याने आपल्या वडिलांसोबत बालपणापासून तारुण्यापर्यंत घालवलेल्या सुंदर आणि संस्मरणीय क्षणांची ९ छायाचित्रे शेअर केली आहेत. तसंच लिहिलं आहे की, “त्यांनी आपलं आयुष्य अशा मूल्यांसोबत जगलं जे कधीही झुकले नाहीत. त्यांच्यात शिस्त होती, पण कठोरपणा नव्हता. ताकद होती पण अहंकार नव्हता. जीवनातील सर्व अडचणींमध्येही सकारात्मक राहा. मर्चंट नेव्ही कॅप्टन म्हणून समुद्राला कमांड देण्यापासून ते शांत धैर्याने आजाराला तोंड देण्यापर्यंत, त्यांनी कधीही तडजोड केली नाही, कधीही आपली प्रतिष्ठा गमावली नाही. स्ट्रोकमुळे त्यांना व्हीलचेअरवर बसावे लागले तेव्हाही त्यांचा उत्साह कायम होता”.
आणखी वाचा – राखीने पुन्हा ‘बिग बॉस’ची प्रॉपर्टी तोडली; प्राजक्तावर पीठ फेकलं, खुर्ची पाडली अन्…; घरात मोठा राडा
सिद्धार्थ मल्होत्राने पुढे लिहिले की, “पप्पा, तुमचा प्रामाणिकपणा हा माझा वारसा आहे. tumchi शक्ती मला दररोज मार्गदर्शन करते. तुमची सकारात्मकता आजही या कुटुंबाला एकत्र ठेवते. तुम्ही आम्हाला झोपेत शांतपणे सोडून गेलात, पण तुमच्या जाण्याने पोकळी निर्माण झाली आहे. मी जो काही आहे तो तुमच्यामुळेच आहे. आणि मी नेहमी तुमचे नाव, तुमचे मूल्य आणि तुमचा प्रकाश पुढे नेईन. लव्ह यू बाबा”.
