‘तारक मेहता का उल्टा चष्मा’ या मालिकेचे जगभरात लाखो चाहते आहेत. आजवर या मालिकेने प्रेक्षकांची मनं जिंकली असून गेली वर्ष ही मालिका सुरु असलेली पाहायला मिळत आहे. मालिकेच्या कथानकाबरोबरचं मालिकेतील कलाकारांच्या अभिनयाने ही मालिका आणखीनच लोकप्रिय ठरली आहे. मालिकेतील पात्रांचे स्वतःचे असे वेगळे स्थान आहे. त्यापैकी एक म्हणजे रिटा रिपोर्टर. रीटा रिपोर्टर आजकाल मालिकेत फार क्वचितच दिसत असली तरी, एक काळ असा होता की तिच्याभोवती एपिसोड फिरताना दिसायचा. (Where is Rita Riporter)
रीटा रिपोर्टरचा जेव्हा जेव्हा उल्लेख होतो तेव्हा अभिनेत्री प्रिया आहुजाचे नाव डोळ्यासमोर येते. कारण प्रियाने बराच काळ रीटाची भूमिका केली होती. मात्र, यादरम्यान काही काळ अभिनेत्री मिहिका वर्मानेही रिटा रिपोर्टरची भूमिका साकारुन चाहत्यांना भुरळ घातली. मिहिका ही एक लोकप्रिय टीव्ही अभिनेत्री आहे. मात्र, सध्या ती सिनेसृष्टीपासून दूर असल्याचं पाहायला मिळतंय.
मिहिका सध्या वैवाहिक आयुष्य जगण्यात व्यस्त असल्याचं पाहायला मिळतंय. तिने २०१६ मध्ये आनंद कपईशी लग्न केले आणि लग्नानंतर ती परदेशात गेली. अभिनेत्रीने तिची अभिनय कारकीर्द मध्यंतरी सोडली आणि पती आनंद कपई यांच्याबरोबर परदेशात गेली. त्यानंतर अभिनेत्री मातृत्वाचा आनंद घेताना दिसली. अभिनेत्री एका मुलाची आई आहे. ती जेव्हा इंडस्ट्रीत होती तेव्हा ती सोशल मीडियावरही ॲक्टिव्ह दिसली. मात्र सध्या सोशल मीडियावर तिची उपस्थिती नगण्य आहे.
परदेशात स्थायिक झाल्यानंतर आणि अभिनय सोडल्यानंतर अभिनेत्रीने अभ्यासावर लक्ष केंद्रित करण्याचा निर्णय घेतला. तिने एमबीएचे शिक्षण घेतले. मात्र, तिची एमबीएची परीक्षा असताना ती गरोदर होती. पण त्याचा अभ्यासावर तिने परिणाम होऊ दिला नाही. मिहिकाने २००४ मध्ये मिस इंडिया इंटरनॅशनलचा किताब जिंकला होता. अभिनेत्रीच्या करिअरबद्दल बोलायचे झाले तर, तिने २००४ मध्ये अभिनयास सुरुवात केली. ‘गेट गॉर्जियस’ या शोमध्ये ती दिसली होती. ‘कितनी मोहब्बत है’, ‘तुझे संग प्रीत लागी सजना’, ‘किस देश में है मेरा दिल’, ‘बात हमारी पक्की है’, ‘ये है आशिकी’, ‘इतना करो ना मुझे प्यार’ असे अनेक शो तिने केले. ‘ये है मोहब्बतें’ या शोमधून अभिनेत्रीला लोकप्रियता मिळाली. या शोमध्ये ती मिहिका नावाची व्यक्तिरेखा साकारत होती. या शोमधून बाहेर पडताच तिने लग्न केले.