tanmay vekarias mother passed away : ‘तारक मेहता का उल्टा चष्मा’ या प्रसिद्ध टीव्ही शो फेम अभिनेता तन्मय वेकारिया म्हणजेच बाघाच्या वैयक्तिक आयुष्याबाबत मोठी अपडेट समोर आली आहे. बाघाच्या आईचे निधन झाले आहे. अभिनेत्याने एक भावनिक पोस्ट शेअर करुन ही दु:खद बातमी चाहत्यांसोबत शेअर केली आहे. आईच्या निधनानंतर बाघाची भावनिक पोस्ट व्हायरल होत आहे. अभिनेत्याने पोस्टमध्ये त्याच्या आईचे काही फोटो शेअर करत एक व्हिडीओ शेअर केला आहे. पोस्टसोबत एक भावनिक चिठ्ठीही लिहिली आहे. आता चाहते तन्मयला प्रोत्साहन देत आहेत आणि त्याच्या पोस्टवर कमेंट करत आहेत.
‘तारक मेहता का उल्टा चष्मा’ फेम तन्मय वेकारियाच्या आईचे दोन दिवसांपूर्वी निधन झाले. अभिनेत्याच्या व्हायरल झालेल्या भावनिक पोस्टमध्ये अभिनेत्याने आपल्या आईच्या फोटोंचा व्हिडीओ बनवला असून या व्हिडीओवर ‘चिठी ना कोई संदेश’ हे गाणे बॅकग्राउंडला लावले आहे. सोशल मीडियावर बाघाचा हा व्हिडीओ पाहून सगळेच भावूक झाले. त्याचे चाहते त्याच्या पोस्टवर कमेंट करुन त्याला प्रोत्साहन देत आहेत.
आणखी वाचा – प्रीतमचा अपघात, दिशाचा नवा डाव पारू-आदित्य पलटवणार का?, मालिकेत मोठा ट्विस्ट
बाघा यांनी शेअर केलेल्या पोस्टमध्ये त्यांनी हृदयस्पर्शी कॅप्शन लिहिले आहे. तन्मयने लिहिले की, “दु:खाची गोष्ट ही आहे की, तुम्ही तिला फक्त चित्रांमध्ये पाहू शकता आणि तिला तुमच्या हृदयात अनुभवू शकता, तुम्ही तिला मिठी मारु शकत नाही किंवा पुन्हा कधीही समोर पाहू शकत नाही. मला माझ्या आईची आठवण येते, मला माहित आहे की, तू तिथे सर्वोत्तम ठिकाणी आहेस”. चाहत्यांसोबतच ‘तारक मेहता का उल्टा चष्मा’ फेम कोमल भाभी म्हणजेच अंबिका हिने तन्मय वेकरियाच्या व्हायरल पोस्टवर हार्ट इमोजी पाठवला आहे. यासोबतच अभिनेत्री डेलनाज इराणीनेही तन्मयच्या पोस्टवर प्रतिक्रिया दिली आहे.
आणखी वाचा – “पाच-सहा जोडीदारांसह वडिलांना पाहिले”, बॉलिवूड अभिनेत्याचा रोमँटिक भूमिकांबाबत धक्कादायक खुलासा, म्हणाला…
तन्मय वेकारिया ‘तारक मेहता का उल्टा चष्मा’मध्ये आपल्या अभिनयाने आजही प्रेक्षकांच्या मनावर राज्य करत आहे. तन्मयने त्याचे बाघा हे पात्र प्रेक्षकांमध्ये खूप प्रसिद्ध केले. या मालिकेतील बाघा ही व्यक्तिरेखा एका साध्या व्यक्तीची आहे ज्याची उभी राहण्याची पद्धत खूपच मजेदार आहे. आणि त्याचं बोलणं साऱ्यांनाच आवडतं.
