लहान पडद्यावरील ‘तारक मेहता का उलटा चष्मा’ या मालिकेतील कलाकार एका वेगळ्याच कारणामुळे चर्चेत आले आहेत. या मालिकेतील ‘बबिता’ ही भूमिका साकारणारी मुनमुन दत्ता व ‘टप्पू’ची भूमिका साकरणाऱ्या राज अनादकट यांच्या साखरपुड्याच्या वृत्ताने संपूर्ण मनोरंजन क्षेत्रांमध्ये एक खळबळ उडाली होती. पण या दोघांनीही या वृत्ताचे खंडन केले असून आपापल्या सोशल मीडियावरुन पोस्ट केल्या आहेत. राज हा मुनमुनपेक्षा जवळपास नी वर्षांनी लहान आहे. (raj anadkat post )
राजने साखरपुडयाच्या बातमीवर आपली प्रतिक्रिया दिली असून त्याने लिहिले आहे की, “तुम्ही ज्या बातम्या कालपासून वाचत आहात त्या सर्व बिनबुडाच्या आहेत. या सर्वच अफवा आहेत- टीम राज अनादकट”. राजच्या टीमकडून ही पोस्ट करण्यात आली असून साखरपुड्याच्या सर्व चर्चा फेटाळून लावल्या आहेत. दोन्हीही कलाकारांनी या वृत्ताला नकार दिला आहे. अशातच आता राजचे खरे प्रेम समोर आले असून त्यावर त्याने एक पोस्ट सोशल मिडियावर शेअर केली आहे.
साखरपुड्याच्या वृत्ताला पूर्णविराम दिल्यानंतर राजने आता एक व्हिडीओ शेअर केला असून क्रिकेटबद्दल आपलं प्रेम व्यक्त केले आहे.राज जेव्हा मॅच पाहण्यासाठी स्टेडियममध्ये गेला तेव्हा त्याच्या हातात क्रिकेटची बॅट होती. हा व्हिडीओ शेअर करुन कॅप्शनमध्ये लिहिले आहे की, “ही मॅच किती रंजक होती. चेन्नई सिंगम्सने आयएसपीएल मध्ये खूप चांगले प्रदर्शन केले असून ही जिंकले आहे. मी या मॅचचा खूप आनंद घेतला. Ibis India”. राजने या मॅचचा पूर्णपणे आनंद लुटला असून तो सध्या आपल्या करिअरवर लक्ष केंद्रित करत आहे.
साखरपुड्याच्या वृत्तावर राजबरोबरच मुनमुनने देखील सोशल मीडिया पोस्ट शेअर केली आहे. तिने आपल्या पोस्टमध्ये लिहिले आहे की, “मी माझे सर्वोत्तम आयुष्य जगत आहे. माझ्या न्यूयॉर्क प्रवासातील हे खास फोटोशूट शेअर करत आहे”, याचबरोबर साखरपुड्याच्या वृत्तावर तिने एका माध्यमालाही मुलाखत दिली असून त्यामध्ये ती म्हणाली की, “या बातम्या केवळ अफवा आहेत. या बातम्यांमध्ये अजिबात तथ्य नाही आणि मला अशा अफवांवर माझी ऊर्जा वाया घालवायची नाही”. मुनमुन सध्या न्यूयॉर्कमध्ये आहे.