‘फर्जंद’, ‘फत्तेशिकस्त’, ‘पावनखिंड’, ‘शेर शिवराज’ यांसारखे दर्जेदार ऐतिहासिक चित्रपट देणारे दिग्दर्शक दिग्पाल लांजेकर यांचा ‘श्री शिवराज अष्टक’मधील पाचवा चित्रपट ‘सुभेदार’ नुकताच राज्यासह देश-विदेशात प्रदर्शित झाला. या चित्रपटाला प्रदर्शनाच्या पहिल्या दिवसापासून शिवप्रेमी व रसिकांचा चांगला प्रतिसाद मिळत आहे. चित्रपटातील थरारक सीन्स, गाणी प्रचंड गाजत आहे. शिवाय, कलाकारांचा अभिनय व उत्तम दिग्दर्शन यांमुळे सिनेरसिक हा चित्रपट पाहण्यासाठी मोठी गर्दी करताना दिसत आहे. (Subhedar Movie Budget)
प्रेक्षकांना या चित्रपटाकडून प्रचंड अपेक्षा होत्या, त्या दिग्दर्शक दिग्पाल लांजेकर यांनी पूर्ण केल्या आहे. चित्रपटाने पहिल्या आठवड्यात ८.७४ कोटींची कमाई केली असून तो लवकरच १० कोटींचा आकडा गाठणार असल्याचे बोलले जात आहे. एकीकडे, बॉलिवूडचे अनेक बिगबजेट चित्रपट बॉक्स ऑफिसवर जोरदार कमाई करत असताना ‘सुभेदार’ चित्रपटही चांगला जम बसवत आहे. मात्र, जर ‘सुभेदार’वेळी बॉलिवूडचा अन्य चित्रपट नसता, तर कदाचित कमाईचे हे आकडे चांगले असते. (Subhedar Movie Budget)
हे देखील वाचा – “पैसे नाहीत त्याला…”, मराठी चित्रपटाच्या निर्मात्याने लाखो रुपये थकवल्यामुळे शशांक केतकर भडकला, म्हणाला, “इंडस्ट्रीमधील मोठी नावं…”
सिंहगड किल्ल्याची लढाई व सुभेदार तान्हाजी मालुसरे यांची शौर्यगाथा सांगणारा हा चित्रपट १० कोटींमध्ये बनला गेला आहे. चित्रपटाने पहिल्या आठवड्यात चांगली कमाई केल्याने दुसऱ्या आठवड्यातही चांगली कमाई करेल, यात शंका नाही.
हे देखील वाचा – मोठा पडदा गाजवल्यानंतर रजनीकांतचा ‘जेलर’ येणार ओटीटी प्लॅटफॉर्मवर, कधी व कुठे पाहता येणार चित्रपट?
या चित्रपटात चिन्मय मांडलेकर, मृणाल कुलकर्णी, अजय पुरकर, समीर धर्माधिकारी, अभिजित श्वेतचंद्र, स्मिता शेवाळे, उमा सरदेशमुख, अलका कुबल, ज्येष्ठ दिग्दर्शक मा. राजदत्त यांसारखे अनेक दिग्ग्ज कलाकार झळकले आहे.