Isha Keskar Lakshmichya Pavalani Exit : ‘लक्ष्मीच्या पाऊलांनी’ मालिकेबाबत एक धक्कादायक बातमी समोर आली. मालिकेतील मुख्य भूमिकेत दिसणारी अभिनेत्री इशा केसकरने मालिकेतून एक्झिट घेतली आहे. इशा या मालिकेत कला ही भूमिका साकारत होती. आता कला मालिकेत दिसणार नाही या बातमीने तिच्या चाहत्यांना खूप मोठा धक्का बसला आहे. कलाने मालिका सोडल्यामुळे कला- अद्वैतचे फॅन्स दुखावले आहेत. आणि आता मालिकेत अभिनेत्री नक्षत्रा मेढेकरची नवीन नायिका म्हणून एण्ट्री झाली असली तरी ईशाने मालिका का सोडली याबाबत चाहत्यांना जाणून घ्यायचे आहे. आणि अखेर इशाने मालिका सोडण्यामागचे खरे कारण देखील सांगितले आहे.
इशाने नुकतीच ‘मुंबई टाईम्स’ला मुलाखत दिली. यावेळी इशा मालिका सोडण्याबाबत म्हणाली, “सलग दोन वर्ष मी काम करत होते. जून महिन्यापासून माझ्या डोळ्याला फोड आला होता. पण मी तशातच शूट करत होते. पण ती दुखापत वाढल्यानं डॉक्टरांनी मला काही दिवस विश्रांती घ्यायचा सल्ला दिला. मी आता विश्रांती घेतली नाही, तर भविष्यात डोळ्यावर छोटीसी शस्त्रक्रिया करावी लागेल आणि मग मी १५-२० दिवस सूर्यप्रकाशही बघू शकणार नाही, त्यावेळी सारासार विचार करुन आणि परिस्थितीचं गांभीर्य लक्षात घेत मी मालिका सोडण्याचा निर्णय घेतला. मी सप्टेंबरमध्येच मालिका सोडणार असल्याचं टीमला कळवलं होतं”.
आणखी वाचा – “आमच्या लाडक्या पूजाचं केळवण…”, पूजा बिरारीची लगीनघाई, सहकलाकारांनी सेटवर साजरं केलं थाटामाटात केळवण
काही महिन्यांपूर्वीसुद्धा ईशा मालिकेच्या काही भागांमध्ये दिसली नव्हती. तेव्हाही प्रकृती अस्वास्थ्यामुळे तिनं सुट्टी घेतली होती. याबद्दल ती म्हणाली, “मध्यंतरी चिकन गुनिया आणि अन्नातून विषबाधा असं दोन्ही झालं असल्यामुळे मी काही दिवस रजेवर गेले होते. त्यावेळी मालिकेच्या टीमनं मला खूप सांभाळून घेतलं. आता डोळ्याच्या दुखापतीमुळे मी पुन्हा त्यांच्याकडे सुट्टी मागणं मला योग्य वाटत नव्हतं. अशानं मालिकेच्या कथेवरही परिणाम झाला असता. म्हणून मालिकेतून बाहेर पडायचं ठरवलं”.
आणखी वाचा – स्मृती मानधनाचं लग्न मोडलं, होणारा नवरा दुसऱ्याच मुलीला करत होता डेट; रंगेहात पकडलं अन्…
याशिवाय तिने म्हटले की, “जीवतोड मेहनत करुन आपण पैसे कमावतो पण त्याचा उपभोगच घेता येत नसेल तर काय उपयोग? म्हणून थोडं थांबायचं ठरवलं. विश्रांतीनंतर मी पुन्हा काम करायला सुरुवात करणार आहे”.
