प्रसिद्ध के-पॉप गायिका व गीतकार किम नही हीच निधन झालं आहे. ८ नोव्हेंबर रोजी तिने वयाच्या अवघ्या २४व्या वर्षी अखेरचा श्वास घेतला. आज १० नोव्हेंबर रोजी ग्योन्गी प्रांतातील प्योंगटेक येथील सेंट्रल फ्युनरल हॉलमध्ये तिच्यावर अंत्यसंस्कार केले. अद्याप तिच्या अकाली निधनाचे कारण स्पष्ट झालेले नाही. किम नही हिच्या कमी वयात झालेल्या निधनाने संगीतसृष्टीलाही धक्का बसला आहे. (Kim Nahee Passed Away)
नहीच्या मृत्यूच्या कारणाबाबत तिच्या एजन्सीने किंवा तिच्या कुटुंबाने कोणतेही अधिकृत विधान जारी केलेले नाही. या बातमीवर प्रतिक्रिया देण्यासाठी चाहत्यांनी इन्स्टाग्रामवरील नहीच्या शेवटच्या पोस्टवर भरभरून कमेंट केल्या आहेत. ही पोस्ट नहीने सोशल मीडियावरून पोस्ट केली असून ही पोस्ट तिने तिच्या मृत्यूच्या एक दिवस आधी शेअर केली होती.
जुलै महिन्यात नहीचं नवं गाणं प्रदर्शित झालं होतं. नहीने ‘रोझ’ नावाचे गाणे प्रदर्शित केले होते, या गाण्यांअंतर्गत तिने चाहत्यांना प्रेम दर्शवलं होतं. या गाण्याच्या प्रदर्शनावेळी, नहीने सांगितले की, “मी माझ्या मागील गाण्यांना फुलांसारखं जपलं आहे, आणि माझ्या या फुलांवर प्रेम करणाऱ्या सर्व लोकांबरोबर मला एक गोष्ट शेअर करायची आहे ती मी या गाण्याअंतर्गत शेअर करत आहे. किम नहीवर केवळ कोरियन नेटिझन्सचं प्रेम करत नाहीत तर तिच्या वैयक्तिक युट्युब चॅनेलवरील तिच्या व्लॉग आणि कव्हर व्हिडिओंवरून तिच्यावर परदेशी चाहतेही प्रेम करत असतात.
किम नहीने तिच्या सोशल मीडिया अकाऊंटवरून शेअर केलेल्या शेवटच्या पोस्टमध्ये, सेल्फीसह अनेक फोटो शेअर केले आहेत. याशिवाय तिने नुकत्याच प्रवास केलेल्या रेल्वे प्रवासाची झलक ही शेअर केली होती. तसेच तिने तिच्या अनेक पाळीव कुत्र्याचे फोटोही शेअर केले होते. त्यांनी पोस्टसह लक्षवेधी कॅप्शनही शेअर केले होते. किम नहीच्या निधनाच्या वृत्तानंतर तिचे अनेक चाहते शोकसागरात बुडाले आहेत. नहीने २०१९ मध्ये तिच्या गायनक्षेत्रातील कारकिर्दीला सुरुवात केली.
