बॉलिवूड कलाकार सध्या डीपफेक व्हिडीओचे शिकार बनले आहेत. डीपफेक व्हिडीओमुळे ही कलाकारमंडळी बरीच घाबरलेली पाहायला मिळत आहेत. सुरुवातीला रश्मिका मंदाना त्या पाठोपाठ कतरीना कैफ, काजोल देवगण, आलिया भट्ट हे कलाकारही सिनेसृष्टीत डीपफेक व्हिडीओला सामोरे गेले. बऱ्याच कलाकार मंडळींनी या डीपफेक व्हिडीओबाबत आवाज उठवला, तर काहींनी कलाकारांना पाठिंबाही दर्शविला. अशातच अभिनेत्री रश्मिका मंदाना हिने पहिल्यांदाच माध्यमांसमोर डीपफेक व्हिडीओ प्रकरणावरून भाष्य केलं आहे. (Rashmika Mandanna On Deepfake Video)
दाक्षिणात्य अभिनेत्री रश्मिका मंदाना नेहमीच तिच्या सौंदर्यामुळे व अभिनयामुळे चर्चेत असते. सध्या ती तिच्या ‘अॅनिमल’ या आगामी चित्रपटामुळे विशेष चर्चेत असलेली पाहायला मिळतेय. या चित्रपटात ती पहिल्यांदाच अभिनेता रणबीर कपूरसह स्क्रीन शेअर करणार आहे. ‘अॅनिमल’ चित्रपटाचं सध्या जोरदार प्रमोशन सुरु असलेलं पाहायला मिळत आहे. हैदराबाद येथील एक प्रमोशनचा व्हिडीओ सध्या सोशल मीडियावर व्हायरल झाला आहे. या व्हिडिओमध्ये रश्मिका डीपफेक व्हिडीओबाबत स्पष्टपणे बोलताना दिसत आहे.
यावेळी बोलताना रश्मिका म्हणाली, “मी जेव्हा पहिल्यांदा डीपफेक व्हिडीओ पाहिला तेव्हा खूप घाबरले होते. मला वाटलं माझ्या टीमकडून मला कुठलाही पाठिंबा मिळणार नाही. सर्वात पहिल्यांदा पाठिंबा देणारे व्यक्ती अमिताभ बच्चन होते. त्यानंतर अनेकांनी मला पाठिंबा दिला. सुरुवातीला डीपफेक व्हिडीओचा माझ्यावर खूप परिणाम झाला. हे डीपफेक प्रकरण काही सर्वसाधारण नाही त्यामुळे मी यावर बोलण्याचा निर्णय घेतला” असं रश्मिका म्हणाली.
Rashmika About her Deepfake Video at Animal Press meet.#AnimalMovie #RashmikaMandanna pic.twitter.com/swa8QVOYvW
— Lok???? (@TeluguOchu) November 27, 2023
पुढे रश्मिका म्हणाली, “मी जगभरातल्या सर्व मुलींना सांगू इच्छिते की, हे सामान्य नाही आहे. जर एखाद्या गोष्टीचा तुमच्यावर परिणाम होत असेल तर शांत बसण्याची गरज नाही. तुम्ही त्यावर प्रतिक्रिया देऊ शकता आणि लोकं तुम्हाला नक्कीच पाठिंबा देतील. आपण जिथे राहत आहोत तो एक चांगला देश आहे” असं म्हणत इतरांना लढण्याची उमेद तिने दिली.