बॉलिवूड अभिनेत्री सोनाक्षी सिन्हा हा सध्या तिच्या लग्नामुळे चांगलीच चर्चेत आली आहे. गेले काही दिवस सोशल मीडियावर तिच्या लग्नाच्या चर्चा रंगल्या होत्या. तिच्या लग्नानंतरही तिच्याबद्दल अनेक चर्चा होताना दिसत आहेत. सोनाक्षी लग्नात वडील शत्रुघ्न सिन्हा व आई पूनम सिन्हा यांनी हजेरी लावली होती. पण लव व कुश हे दोघे भाऊ बहिणीच्या लग्नात सहभागी झाले नाहीत अशा अनेक चर्चा सोशल मीडियावर रंगत आहेत. लवने त्याच्या अनुपस्थितीवर प्रतिक्रिया दिली होती, परंतु आता कुशने या अफवा फेटाळून लावल्या आहेत. त्याने सांगितले की तोदेखील बहीणीच्या लग्नाला उपस्थित होता.
सोनाक्षी सिन्हाला दोन मोठे भाऊ आहेत. लव व कुश. दोघेही जुळे आहेत. दोघेही बहिणीच्या लग्नावर नाराज असून ते बहीणीच्या लग्नात अंतर राखत असल्याचे बोलले जात होते. यावर आता कुशने ‘न्यूज १८’ला दिलेल्या मुलाखतीत आपण लग्नाला उपस्थित असल्याचं सांगितलं आहे. कौटुंबिक कलहाच्या अफवांचे खंडन करताना कुश असं म्हणाला की, “मी यापूर्वीही लोकांना चुकीची माहिती प्रकाशित करताना पाहिले आहे. याची सुरुवात एका अग्रगण्य पोर्टलवर प्रकाशित झालेल्या एका लेखाने झाली, ज्यात एका निनावी स्त्रोताचा उल्लेख आहे. आता हे सर्व कोण करत आहे आणि ही माहिती त्यांना कुठून मिळत आहे, मला माहीत नाही. पण मी लग्नात हजर होतो आणि त्याचे फोटोदेखील आहेत”.
आणखी वाचा – अस्तिकट्यारसाठी रुपालीकडून शेखरविरुद्ध प्रतिबिंब शक्तीचा वापर, विरोचकाला कट्यार मिळणार का?
यापुढे कुश असं म्हणाला की, “पापाराझींनी पाहुण्यांचे फोटो काढले. परंतु मला प्रसिद्धीपासून अंतर राखणे आवडते. म्हणून मी यापासून दूर होतो. मी जास्त प्रसिद्ध नाही आणि मला जास्त पाहिलेही जात नाही. पण याचा अर्थ असा नाही की, मी तिथे नव्हतो. मी तिथे उपस्थित होतो आणि माझ्या बहिणीसाठी सर्व शुभेच्छा आहेत आणि नेहमीच तिला शुभेच्छा देईन”.
आणखी वाचा – जय दुधाणेच्या वडिलांचे निधन, कुटुंबियांवर दु:खाचा डोंगर, म्हणाला, “माझा सुपरहिरो गमावला”
दरम्यान, सोनाक्षी सिन्हा व झहीर इक्बाल यांनी २३ जून २०२४ रोजी लग्न केलं. जवळपास ७ वर्ष एकमेकांना डेट केल्यानंतर दोघांनी लग्न करण्याचा निर्णय घेतला. रजिस्टर्ड पद्धतीने लग्न झाल्यानंतर सोनाक्षी सिन्हा आणि झहीर इक्बाल यांनी रिसेप्शन पार्टीचं आयोजन केलं होतं. पार्टीमध्ये अनेक सेलिब्रिटींनी हजेरी लावली होती. शिवाय खुद्द सोनाक्षी सिन्हा आणि झहीर इक्बाल यांनी देखील सोशल मीडियावर लग्नाचे फोटो पोस्ट केले आहेत.